Dispositiu ENSENHAR Estudiant

Lo dispositiu “ENSENHAR – Etudiant” a per objectiu de sostenir las vocacions als concorses de recrutament dels professors de las escòlas bilinguas, dins lo quadre d’un partenariat entre las Regions Novèla-Aquitània e Occitània, lo Ministèri de l’Educacion nacionala e l’Ofici public de la lenga occitana.

S’agís en efièit de respondre a la demanda creissenta d’obertura de novèls sitis bilngues dins nòstras acadèmias.

Estudiant.a.s, volètz venir professor.a.s

e la lenga occitana vos interèssa ?

Venètz professor.a.s de las escòlas en lenga occitana

e beneficiatz d'una borsa d'estudis de 8000€ sus 2 ans !
Telecargar lo flyer

Los enjòcs

Sostenguda per l’Estat e las collectivitats territorialas, la transmission de la lenga occitana via l’escòla, qu’es un actor essencial d’aquela transmission, se desvolòpa.

Uèi, gaireben 10 000 escolans benefician d’un ensenhament bilingue francés / occitan dins las escòlas mairalas o elementàrias de las regions Novèla-Aquitània e Occitània. Es dos còps e mièg mai qu’en 2008.

Aquelas filièras se desvolopan tanben al collègi e al licèu.

Las modalitats

D’un montant de 4 000 € per annada universitària, la borsa “ENSENHAR Estudiant” es una ajuda individuala adreçada als estudiant.a.s que se destinan a ensenhar en occitan alprèp d’enfants de 3 a 11 ans dins las escòlas e filièras bilinguas francés-occitan de las acadèmias de Bordèu, Limòtges, Montpelhièr, Peitius o Tolosa (regions Novèla-Aquitània e Occitània).

Aquela borsa s’adreça als/a las estudiant.a.s que son inscrit.a.s en tresena annada de licéncia o en primièra annada de Master e que son motivats/-adas per l’ensenhament en occitan e s’engatjan dins los percors de formacion bilingua.

Primièra session : depaus de las candidaturas abans lo 15 de junh

Segonda session : depaus de las candidaturas abans lo 15 d’octobre.

Bocadura d’informacion : Telecargar

Reglament : Telecargar

Dossièr de candidatura : Telecargar

"ENSENHAR Estudiant" en video

Una question sus “ENSENHAR Estudiant” ? Nos podètz contactar aqui : 

Descobrètz los dispositius de l'Ofici :

Office public de la langue occitane

22 boulevard du Maréchal Juin
31406 Toulouse cedex 9

05 31 61 80 50

contact@nullofici-occitan.eu

Scroll to Top