Desiratz certificar vòstras competéncias en occitan
L’Ofici public de la lenga occitana prepausa una ajuda financièra als locutors occitanofònas que desiran certificar lors competéncias linguisticas amb lo DCL dins una amira professionala dins las regions Novèla-Aquitània e Occitània
Sètz salariat.ada, demandaire/a d'emplec, estudiant.a, particular, estagiari.a en formacion professionala, titular/-ara en formacion continüa…
Inscrivètz-vos al Diplòma de competéncia en lange (DCL) occitan,
Lo dispositiu
Lo diplòma de competéncia en lenga (DCL) occitan permet a tot locutor occitanofòne de certificar sas competéncias linguisticas segon lo quadre europèu comun de referéncia per las lengas (CECRL). Creada per arrestat del 13 de decembre de 2010 dins sa version occitana, aquela certificacion nacionala professionala es gerida per l’Educacion nacionala, tant coma lo DCL breton o còrse !
Lo passatge del DCL occitan s’efectua a la prima dins los diferents centres d’examens, a Bordèu, Limòtges, Montpelhièr e Tolosa (https://dcl.education.gouv.fr/) mejançant lo pagament dels fraisses d’inscripcion (100 €).
Los enjòcs
Per tal d’encorajar l’utilizacion de la lenga occitana dins lo quadre professional, l’Ofici public de la lenga occitana sosten los candidat-a-s al DCL occitan que s’engatjan dins aquela desmarcha de certificacion.
L’Ofici pren en carga 80 % dels fraisses d’inscripcion d’aqueles candidat-a-s que demòran dins las regions Novèla-Aquitània e Occitània quand aquestes pòdon justificar que lor desmarcha es a de fins professionalas.
En seguida de lor inscripcion al DCL occitan al prèp de l’Educacion nacionala, los candidat-a-s pòdon atal sollicitar aquela ajuda financièra dirèctament al prèp de l’OPLO.
Las modalitats
Lo DCL, qu’es aquò ?
- Diplòma d’Estat de competéncia en lenga occitana en mitan professional, valid a vida
- 5 nivèls, de començant.a a expèrt.a, segon lo Quadre europèu comun de referéncia per las lengas (CECRL)
- Meteissa espròva per totes (durada : 2h30) : la prestacion determina l’estanci obtengut (annales sul sit del DCL)
- Avaloracion per una jurada especialista de la lenga occitana
- 100% de capitada
PER QUE ?
- Accessibla a totes/-tas : salariat/-ada, demandaire/-ra d’emplec, estudiant.a, particular, estagiari en formacion professionala, titular.a en formacion contunha…
- Locutor.a occitanofòne/-na de tot nivèl, que que siá sa varietat dialectala
QUORA ?
- 1 session per an
- Datas de las inscripcions e de las espròvas sus www.education.gouv.fr/dcl
ONT ?
- Dins los centres d’examèn de las acadèmias de Bordèu, Limòtges, Montpelhièr e Tolosa
CONDICIONS DE PRESA EN CARGA DE 80% DELS FRAISSES D’INSCRIPCION :
- Se demoratz en Novèla-Aquitània o en Occitània
- Se lo passatge del DCL occitan s’inscriu dins una amira professionala
- Se passatz l’examèn dins l’acadèmia de Bordèu, Limòtges, Montpelhièr o Tolosa
Un còp inscrit.a al DCL occitan, recebretz un formulari d’emplenar e de mandar a l’adreça: contact@nullofici-occitan.eu
Aquel formulari deurà èsser acompanhat :
- d’un RIB al nom de del/de la candidat.a ;
- d’un justificatiu que fa la pròva que lo passatge del DCL es per de rasons professionalas (inscripcion a un concors, atestacion de centre de formacion, fuèlha de paga, atestacion d’emplegaire etc.).
- d’un
justificatiu de domicili qu’atèsta
que residissètz plan en Novèla Aquitània o en Occitània.
NB : per la session del DCL occitan 2022, demandam als candidats elegibles de mandar los documents requerits çai sus a l’OPLO abans lo 26 de julhet de 2023. Passat aquesta data, cap de dorsièr serà tractat per l’Ofici per aquesta session. Mercés de vòstra compreneson.
Una question sul DCL ? Contactatz l’Ofici via lo formulari ci-jos :
Descobrètz los dispositius de l'Ofici :
Ofici public de la lengua occitana
22 bd maréchal Juin
31406 Tolosa cedex 9
Tel 05 31 61 80 50
contact@nullofici-occitan.eu
