L’occitan en formacion profesionala

Perqué aprene l’occitan qual que siá son atge ?

Apréner l’occitan, es aquesir d’otisses culturals de lectura del territòri onte vivèm, es s’ancorar dins un univèrs multidimensional e d’apréner a lo comprene.

L’Ofici public de la lenga occitana mena una politica de desvolopament de l’ensenhament e sosten la construccion de percors d’aprendissatge per d’accions menadas en partenariat amb l’Educacion Nacionala e una ret associativa rica.

L’aprendissatge de l’occitan tròba  sa plaça dins la Carta europèa de las lengas regionalas o minoritàrias. Aquesta carta, signada mas non ratifiada per França, considèra que la proteccion de las lengas regionalas o minoritàrias istoricas d’Euròpa que d’unes riscan, al fial del temps, de desaparéisser, contribuís a manténer e a desvolopar las tradicions e la riquesa culturala d’Euròpa.

  • Las lengas regionalas son de lengas practicadas tradicionalament sul territòri d’un Estat per de ressortissents d’aqueste Estat, que constituisson un grop numericament inferior al  demai de la populacion de l’Estat.
  • Las lengas regionalas son diferentas de la lenga oficiala d’aqueste Estat
  • Las lengas regionalas encluson pas los dialèctes de la (de las) lenga(s) oficiala(s) de l’Estat ni mai las lengas dels migrants.

Ont e cossí se formar a l’occitan ?

Es possible de beneficiar d’un sosten de las Regions, dins lo quadre de lors competéncias sus la formacion professionala. A Besièrs, lo Centre de Formacion Professionala Occitan es un prestatari de la Region Occitània dins aquel domeni.

En Novèla-Aquitània, lo Centre de formacion professionala en lenga-cultura occitana d’Ortès dispensa tanben de  formacions a caractèr professional.

Los dos organismes citats mai naut, prepausan tanben de formacions dichas d’interès personal, sota la forma d’estagis o de corses del ser, setmanièrs.

La ret associativa de l’Institut d’Estudis Occitans e lo Collègi d’Occitania organizan tanben de corses d’occitan en Novèla-Aquitània e Occitània.

Quines diplòmas per validar sas competéncias ?

L’aprendissatge d’una lenga pòt tanben menar cap a una validacion per l’obtencion de diplòmas.

Per exemple, lo Diplòma de Competéncia en Lenga Occitana (DCL Occitan) creat per l’Educacion nacionala, permet de validar sas competéncias lingüisticas en Occitan. Servís tanben de basa per determinar son nivèl dins lo quadre europèu de competéncias per las lengas tant a l’oral coma a l’escrit.

Se formar per trabalhar

L’aprendissatge de l’occitan permet tanben per los qu’o desiran una entrada sul mercat del trabalh. Las principalas possibilitats d’emplec se tròban dins los domenis de l’ensenhament e de l’acompanhament escolar, uèi largament deficitaris en candidaturas. D’oportunitats espelisson  tanben dins lo domeni de l’administracion, de la pichòta enfància e dels mèdias o autres.

L’aprendissatge d’una lenga pòt tanben menar cap a una validacion per l’obtencion de diplòmas.

Per exemple, lo Diplòma de Competéncia en Lenga Occitana (DCL Occitan) creat per l’Educacion nacionala, permet de validar sas competéncias lingüisticas en Occitan. Servís tanben de basa per determinar son nivèl dins lo quadre europèu de competéncias per las lengas tant a l’oral coma a l’escrit.

L’aprendissatge de l’occitan permet tanben per los qu’o desiran una entrada sul mercat del trabalh. Las principalas possibilitats d’emplec se tròban dins los domenis de l’ensenhament e de l’acompanhament escolar, uèi largament deficitaris en candidaturas. D’oportunitats espelisson tanben dins lo domeni de l’administracion, de la pichòta enfància e dels mèdias o autres.

Ne saber mai sus l'aprendissatge de l'occitan :

Ofici public de la lengua occitana

22 bd maréchal Juin
31406 Tolosa cedex 9

Tel 05 31 61 80 50

contact@nullofici-occitan.eu

Scroll to Top