OPLO : l’Ofici public que sosten la lenga occitana
L’Ofici public de la lenga occitana (OPLO) sosten la promocion de l’occitan e favoriza l’ensenhament e la transmission de la lenga regionala. Son perimètre d’accion s’espandís del Massís Central als Pirenèus.
Un organisme public
L’OPLO (Ofici public de la lenga occitana) es un establiment public nascut en 2016 de la conviccion partejada entre l’Estat e las Regions de l’absoluda necessitat de sosténer e renfortir las politicas menadas en favor de la lenga occitana.
L’OPLO es un Gropament d’interès public (GIP) entre l’Estat (Ministèri de l’Educacion Nacionala e Ministèri de la Cultura), la Region Novèla-Aquitània e la Region Occitània. Sos sòcis li delegan una partida de lors mejans e de lors competéncias per qué pòsca menar sas missions.
Una accion alargada de l’Atlantic a la Mediterranèa
Dempuèi 2016, lo perimètre d’accion de l’OPLO cobrís l’ensemble de la zòna occitanofòna de las regions Novèla-Aquitània e Occitània, siá 22 departaments.
La volontat de sosténer d’un biais concertat las politicas en favor de la lenga occitana es anciana : plan abans lo novèl descopatge regional de 2016, figurava ja dins la carta de cooperacion interregionala e transfrontalièra de desvolopament de l’occitan, signada per sièis Regions, Aquitània, Auvèrnha, Lengadòc-Rosselhon, Lemosin, Miègjorn-Pirenèus e Ròse-Alps.
Socialization, transmission e quadre per l’ensenhament de l’occitan
Tre sa creacion, l’OPLO metèt en òbra mantuna orientacion de trabalh dont lo sosten d’accions de promocion de l’occitan. Demest sas orientacions prioritàrias, la mesa en plaça d’un quadre nacional per l’ensenhament de l’occitan : d’alhors, una convencion foguèt signada dins aqueste sens entre l’Ofici, lo Ministèri de l’Educacion Nacionala e las doas collectivitats (Regions Occitània e Novèla-Aquitània) lo 26 de genièr de 2017.
Dins sas missions, l’OPLO velha tanben a sosténer d’accions de transmission e de socializacion de l’occitan tot en collaborant amb las associacions e autres actors engatjats per aquelas questions.
Las diferentas etapas de la mesa en plaça de las accions de l’OPLO, Ofici public de la lenga occitana
- 2015 : creacion de l’Ofici public de la lenga occitana jos la forma d’un gropament d’interès public entre l’Estat e las Regions d’Occitània e Novèla-Aquitània.
- 2016 : mesa en rota operacionala amb la mesa en plaça de las instàncias de pilotatge de l’Ofici.
- 2017 :
- signatura d’una convencion quadre per desvolopar l’ensenhament de l’occitan entre lo Ministèri de l’Educacion Nacionala, las Regions Novèla-Aquitània e Occitània e l’Ofici ;
- extension del dispositiu “ENSENHAR Estudiants”a las èx-region Lengadòc-Rosselhon e Lemosin ;
- 2018 : concertacion, elaboracion e adopcion del plan d’accion de l’Ofici ;
- 2019 :
- dubertura de l’antena de Bordèu, als costats de l’antena de Tolosa ;
- mocion adoptada adreçada al President de la Republica, als Presidents de l’Assemblada nacionala e del Senat per lo lançament d’un plan d’urgéncia per las lengas regionalas prevesent un estatut e dels mejans assolidats per l’ensenhament public e privat jos contracte dins un contèxt de reforma del bachelieirat e del licèu menaçant l’ensems de las compausantas de l’ensenhament de l’occitan ;
- primièr partenariat territorial amb la signatura de la convencion de partenariat amb lo Departament de Dordonha ;
- 2020 :
- lançament de Correspondéncia, la 1a letra d’informacion electronica de l’Ofici ;
- publicacion dels resultats de l’enquèsta sociolingüistica 2020 sus las practicas e representacions de la lenga occitana.
- 2021 :
- creacion del Comitat-conselh qu’institutionnaliza lo processus de concertacion de l’Ofici ;
- alargament del dispositu ENSENHAR Professor a las acadèmias de Tolosa e Montpelhièr e potencialament Limòtges ;
- alargament del sosten al Diplòma de competéncia en lenga occitana (DCL) sus l’ex-region Lemosin.
Ofici public de la lenga occitana
22 bd maréchal Juin
31406 Tolosa cedex 9
Tel 05 31 61 80 50
contact@ofici-occitan.eu
