Los mèdias publics son vòstres !

Contribucion de la presidenta de l’Ofici public de la lenga occitana a la consulta ciutadana 2020 #NòstresMèdiasPublics

Per Charline CLAVEAU

Presidenta de l'Ofici public de la lenga occitana​

En aquela rentrada 2020, las ràdios e cadenas del servici public audiovisual lançan una granda consulta ciutadana per engatjar una convèrsa per tal de bastir lors ofèrtas tele, ràdio e numericas de deman.
La recenta enquèsta sociolingüistica menada per l’Ofici en Novèla-Aquitània, Occitània e Val d’Aran demòstra que sus aqueles territòris, 43% de la populacion, siá mai de 3,32 milions d’abitants de + de 15 ans, compren çaquelà qualques mots d’occitan. Un public de telespectators e d’auditors potencials consequent, alara qu’aquelas chifras cobrisson sonqu’una part del territòri lingüistic de la lenga occitana.
Al delà d’aquel auditòri, las chifras son eloquents, pr’amor qu’una larga majoritat de la populacion es favorabla al renfortiment de la preséncia de l’occitan dins las mèdias (85% dels consumaires de programas en occitan e 65% demest los non consumaires).
Convençuda que la reconquista lingüistica deu passar pel desvolopament de l’ensenhament, mas tanben per una difusion mai fòrta de la lenga occitana dins l’espaci public en s’apiejant subretot sus las mèdias, ai desirat participar a n’aquela consulta ciutadana, en tot esperar que nòstras proposicions seràn relaiadas per l’ensemble dels actors associatius de lenga occitana.
Trobaretz çai-contra qualquas unas de las proposicions portadas per l’Ofici.

Desbrembètz pas, per participar e far entendre la
votz de las lengas regionalas : https://www.nosmediaspublics.fr.”

Ofici public de la lengua occitana

22, bd maréchal juin
31406 Tolosa cedex 9

Tel 05 82 60 02 80

Scroll to Top