Los Dimars de l’OPLO #1

"Quin avenidor per l'ensenhament de l'occitan ?"

per Alexander SIGMUND

Dimars 23 de novembre de 2021 - 18h

L’Ofici public de la lenga occitana lança “Los Dimars de l’OPLO” : un cicle de mini-visioconferèncias pendent la quala un.a cercaire/a a carta blanca per presentar aspècte de sa recèrca en ligam amb l’occitan.

Cada trimèstre, l’OPLO vos balha doncas rendètz-vos per escambiar e pausar vòstras questions en dirècte amb l’invitat/ada !

Aprèp sègles de repression lingüistica e de privilègis del francés pels cambiaments socio-politics, la lei Deixonne dintrèt en vigor en 1951 e las lengas regionalas de França an progressivament trobat lor plaça dins lo sistèma educatiu francés.

La lenga occitana, en particular, aspira a una melhoracion de sa situacion gràcias a un ensenhament  legalizat ara, es tot èsser redusit pr’aquò, perque es totjorn fòrça afectada pel fait d’èsser pas transmesa a las generacions venentas e per una baissa continua del nombre de locutors.

Pasmens, que resèrva l’avenir a l’ensenhament de l’occitan, tenent compte de la rigiditat de l’opinion politica e de las vistas de la societat?

Aquela 1ra edicion dels “Dimars de l’OPLO” prepausa, a partir del trabalh de recèrca d’Alexander SIGMUND, d’analisar los limits e las oportunitats contemporanèas de l’ensenhament institucionalizat de l’occitan en França aital coma sos desvolopaments futurs.

Alexander SIGMUMD a 30 ans . Ensenha l’occitan a l’Universitat de Viena (Austria), a l’Institut de las lengas romanicas ont es cargat de cors.

  • 2010-2015 : estudis de licéncia e master en filologia romanica e alemanda (filièra per futurs ensenhaires)
  • 2012/2013 : assistent d’alemand al segond gra dins l’Acadèmia de Toulouse
  • 2015 : memòria de master en sociolingüistica occitana (“Egemonia lingüistica o diversitat parlada? D’estandardizacion dificila de la lenga occitana”)
  • 2015-2019 : estudis doctorals en filologia romanica dempuèi 2015 : professor de francés e d’alemand dins un licèu a Viena (Austria)
  • 2019 : tèsi en sociolingüistica occitana (“Quo vadis, ensenhament d’occitan ? Analisi empirica dels enjòcs e de las possibilitats de l’ensenhament institutionnalisé d’occitan en Franca”) dempuèi 2019 : cargat de cors de lenga occitana a l’Institut de Lengas Romanicas de l’Universitat de Viena

 

 

La tèsi d'Alexander SIGMUND foguèt sostenguda en 2019 a l'Universitat de Vièna

A per tòca d’analisar los limits e las oportunitats contemporanèas de l'ensenhament institucionalizat de l'occitan en Franca aital coma sos desvolopaments futurs.
Accedir a la tèsi d'Alexander SIGMUND

Ofici public de la lengua occitana

22 bd maréchal Juin
31406 Tolosa cedex 9

Tel 05 31 61 80 50

contact@ofici-occitan.eu

Scroll to Top