1ièra session de trabalh pel Grop de recèrca-accion sus la didactica bilingua a l'escòla primària
Los 22 e 23 novembre darrièrs, los membres del GRAF, lo Grop de recèrca-accion suls fondamentals (didactica bilingua francés-occitan a l’escòla primària) se retrobèron a Montalban per una premièra session de trabalh sus la didactica de las matematicas en occitan.
Lo seminari s’amodèt per doas conferéncias :
- « Las experiéncias de recèrcas collaborativas en didactica de las matematicas : bi-plurilinguisme, ressorsas per la classa e geometria a l’escòla », per Caroline Poissard, Mèstra de conferéncias en didactica de las matematicas, Universitat de Brèst – UBO,
- « Qualques empaches didactics en matematicas : conceptualisacions e ressorsas contextualizadas, o cossí lengas e culturas regionalas pòdon influïr suls aprendissatges escolars e constituir de ressorsas pedagogicas », per Jean-Jacques SALONE, Mèstre de conferéncias en matematicas aplicadas e sciéncias de l’educacion, Director de l’Institut de Recèrca sus l’Ensenhament de las Matematicas, de l’Informatica e de las Sciéncias, Centre Universitari de Formacion e de Recèrca de Maiòta.
Los 15 participants se repartigèron puèi en grops de trabalh per analisar e montar de sequéncias d’ensenhament de la geometria en occitan.
Aquelas sequéncias seràn finalizadas e filmadas en classa per una mesa en comun corrent març pendent una 2nda session de trabalh.
Los trabalhs serán meses a la disposición dels professors de las escolas en clasa bilingua e sus aquela pagina.
