Socializacion numerica
L’Ofici Public de la Lenga Occitana a per objectiu central de « desvolopar lo nombre de locutors actius ».
Per aquò, dos mejans : transmission e socialization.
La « transmission » renvia a l’ensenhament de la lenga a totas las edats de la vida.
La « socializacion» implica una capacitat lingüistica mas tanben dels espacis socials dins los quals aquela lenga es practicada.
Fòrça es de constatar qu’un dels espacis de socializacion lingüistica d’uèi es lo mond digital, l’Ofici s’es lançat fa qualques meses dins una velha regulara de la produccion numerica occitana actuala sus las rets amb una batariá de questions :
Qual i parla occitan ?
Qual ne parla ?Qual reivindica aquela identitat ?Qui en fach comèrça ?
Mai de 200 perfils son estats recencats sus Tiktok e Instagram e avèm decidit, al còr de l’estiu ( ont las vacanças pòdon atenuar la culpabilitat ligada al « scroll » ), de vos ne far descobrir un escapolon, un(a) per setmana.
Un estiu amb 5 influenciaires occitans
Ali.en.oc
Coma començar pas per Ali.en.oc?
Alienòr – pels intims – s’es lançada en 2024 sus las rets, entre lifestyle, istòria e contenguts educatius en e sus l’occitan, e nos mòstra qu’utilizar la lenga occitana coma lenga de partatge sus las rets. Bilingüa occitan/francés, produtz un contengut variat per sensibilizar e far conéisser la lenga occitana.
Uèi seguida per mai de 10 400 personas, perseguís sos projèctes amb d’autres creators de contenguts occitans, castellans o encara catalans amb la tòca de promòure la diversitat lingüistica e sos atots.
La podètz retrobar sus Instagram e TikTok
👉Alienòr ❤️💛 (@ali.en.oc) • Photos et vidéos Instagram
👉ali.en.oc (@ali.en.oc) | TikTok
Occitan cover
Occitan Cover, àlias Guilhèm, es un musician que jòga amb los mots, las musicas e las lengas.
Sa marca de fabrica ? de represas de cançons pop, traduchas en occitan, dels caraoqués e plan d’autras causas !
🏖️ De Brigitte Bardot
https://www.instagram.com/p/DNqhjQLNw42/?hl=fr
🕶️ a Joe Dassin
(https://www.instagram.com/p/DMx1JzEyjQy/?hl=fr)
🎸 en passant per los… Red Hot Chili Peppers
https://www.instagram.com/p/DMS1nukS4Nu/?hl=fr
❄️Nos cal confessar – un pauc vergonhosament- a l’Ofici, que la version caraoqué en occitan de la Reina de las Nèus es la que nos agrada lo mai d’aquesta passa, mas es probable una istòria de sason :
https://www.instagram.com/p/DTV1emlkni9/?hl=fr
Actiu dempuèi Marselha, son concèpte amassa ja 1670 personas totas rets!
O podètz retrobar sus las rets
👉 Tiktok : Occitan Covers (@occitan_covers) | TikTok
👉 Instagram : Occitan Covers (@occitan.covers) • Photos et vidéos Instagram
Roxitanie
Es al destorn d’Aude e d’Avairon qu’avèm encontrat o , en tot cas, descobèrt Roxane, coneguda sus las rets amb lo nom de Roxitanie.
Jove creatritz de contengut, ten un compte seguit per mai de 1500 personas, sul qual parteja dempuèi quasi 3 ans son trajècte al rencontre de sas raices occitanas.
Uèi completament bilingüe gràcias als corses d’occitan qu’a seguit sustot per la formacion al CFPO, contunha de partejar son quotidian, sos viatges e sas descobèrtas sus las rets socialas e dins un podcast sus Ràdio Lengadòc.
La podètz retrobar sus👉 Instagram : Roxitanie 🌿☀️ (@roxitanie1993) • Photos et vidéos Instagram
Biarnés Auloron
De còps, d’unes creators de contenguts s’especializan sus un domeni especific. Aquò arriba tanben als contenguts occitans !
Es lo cas de Biarnes Auloron. Creat en junh de 2025 sus Instagram e sus Tiktok, es un creator de contenguts lingüistics e pedagogics sus l’occitan practicat dins lo Sud de Gasconha.
Tot i passa, e progressivament:
🔢 »comptar de 1 a 10″
🗒️ « la conjugason del present »
🏙️ « los noms de vilas e de vilatges »
😘 « Parlar de potons »
🤔 « los sons estranhs del bearnés »
❄️ »parlar de la nèu »
🦆 « parlar de la nèu »
Théo -pels intims- amassèt mai de 6900 followers totas rets.
A seguir donc
👉 sus instagram : Biarnés Auloron (@biarnes.auloron) • Photos et vidéos Instagram
👉 sus Tiktok : Béarnais Oloron (@bearnais.oloron) | TikTok
Dètz.lab
Lo darrièr « influenciaire » occitan evocat pendent nòstre estiu es collectiu.
Es lo collectiu Dètz.lab.
Après las parodias audiovisualas de lors glorioses ainats qu’an fondat lo collectiu dins las annadas 2000, per sustot
👉 de vertadièr-fals reportatge sus las « originas de la Banana del Segalar »
👉o de la seria de publicitats del famós « Daquòs »
🔥 Un grop novèl de « detzaires » a représ lo brandon amb la meteissa creativitat e la meteissa enveja de tocar a tot, quitament d’alargar lo cercle dels possibles de Dètz.
📽️Es aital que se son lançats dins de reportatges in vivo dins de grands eveniments occitans :
🐻 Carnaval Biarnés a Pau
🐴 Carnaval de Pesenàs
🏔️ Aran per sa lengua en Vall d’Aran
Un pichon bonus : es lo collectiu Dètz.lab qu’a realizat
- lo dirècte integral sus YouTube de l’ensemble de la corsa (9 jorns e 8 nuèchs)
- totas las videos sus las rets socialas de la corsa La Passem! en mai passat
Resultats :
35 « reals » qu’an despassat las 20 000 vistas
La Passem ! – En Gasconha ! (@lapassemgasconha) • Photos et vidéos Instagram
dont mantuna video al delà de 100 000 vistas
https://www.instagram.com/reel/DXxDYfboNbA/?hl=fr (140k)https://www.instagram.com/reel/DX4_qZSTf0F/?hl=fr (130k)
