Dempuèi 3 ans, l’Institut d’Estudis Occitans region Occitània e la revista culturala Lo Diari, en associacion amb l’Ofici Public de la Lenga Occitana, lo CIRDÒC-Institut occitan de cultura, Lo Congrès permanent de la lenga, desvolopa lo projècte de CalenDiari.
Lo CalenDiari vòl estar l’agenda culturala occitana de referéncia, basat sus l’arquitectura d’OpenAgenda que recensa e aficha l’ensemble dels eveniments culturals d’expression occitana, ont que se debanen.
De qu’es OpenAgenda ?
OpenAgenda es un logicial en linha que permet la gestion d’anóncias d’eveniments e d’agendas, utilizat per d’institucions o d’associacions multiplas : Ministèri de la Cultura (Jornadas Europèas del Patrimòni, …), Region Novèla-Aquitània, Departament de Garona-Nauta, Bordèu Metropòli, Tolosa Metropòli, Albi, Arle…
Cossí fonciona ?
OpenAgenda es una platafòrma en donadas obèrtas : tot utilizator pòt crear una agenda per publicar d’eveniments o contribuir a una agenda qu’existís ja. La platafòrma ofrís tanben la possibilitat de crear una agenda federativa, siá d’agendas en ret capablas de s’interalimentar.
Cada eveniment es doncas sasit sonque un còp, idealament per son organizator. Aquel item unic s’aficharà tanplan sus l’agenda de l’organizator coma sus aquel de sa comuna, de son intercomunautat, de son malhum, de sos amics e partenaris. Pòt doncas èsser referenciat sus una agenda o sus de milierats, en un sol clic. Pòt quitament èsser exportat per d’autras utilizacions, o integrat a un site, un blòg, un calendièr personal…
Qual se’n pòt servir ?
En dejós de 365 eveniments per an, la solucion es gratuita e cada organizator pòt beneficiar d’un OpenAgenda a son nom. Cada artista, grope, associacion, collectivitat,
estructura, o cada quita operacion (fèsta, festenal, sason…), i pòt soscriure.
OpenAgenda es complèt, personalizable e adaptat als besonhs. Constituís a l’ora d’ara l’aisina mai practica per listar e difusar d’eveniments e tend a venir l’operator incontornable d’aquel sector.
Emai, l’occitan es una de las lengas disponiblas per la sasida dels eveniments e tanben coma lenga d’interfàcia. E òc !
E lo CalenDiari?
Pel domeni occitan, una agenda culturala occitana de referéncia, basada sus l’arquitectura d’OpenAgenda, Lo CalenDiari, recensa e aficha l’ensemble dels eveniments culturals d’expression occitana, ont que se debanen.
Collaboratiu, pòt èsser alimentat dirèctament, per tot lo monde.
Agregatiu, aglomèra automaticament los eveniments occitans d’autras agendas.
Aquela agenda globala, geolocalizada e compartibla dona aital de
visibilitat a la lenga e a la cultura occitanas.
Ne volètz saber mai ?
Veire los eveniments : agenda.lodiari.com
Contribuir al CalenDiari : openagenda.com/occitan > puèi “ Apondre ”
Guida de presa en man :LCD_Guida_OC
Apréner a vos servir d’OpenAgenda : : doc.openagenda.com
Contactar l’equipa deu Diari : agenda.lodiari.com / 09 62 56 09 91
