A qué servís un ofici de la lenga ?
L’Amassada Generala de l’Ofici Public que se teniá aquel aprèp-miègjorn ven de respondre a aquela question en mantenent l’objectiu global de l’Ofici dempuèi sa creacion :
Aumentar lo nombre de locutors actius.
Cossí far ?
Cada ofici, basc, breton, catalan, alsacian, a sa responsa, ligada a son istòria, sa geografia, sos mejans… Après mantuns meses de concertacion, amb una centena d’actors, de collectivitats, d’operators e de membres, l’A.G. de l’Ofici a trobat una responsa en votant son projècte novèl d’establiment : D’ÒC.
D’OC avec un D comme Développer
Desvolopar es, primièr, saber que ne podèm pas far sol
Desvolopar, es facilitar, acompanhar, portar de politicas e d’accions publicas novèlas al benefici de la lenga
Desvolopar, es metre a disposicion una engenhariá publica en ligam amb los operators interregionals al servici primièr de sos membres e de tota collectivitat volontària.
D’ÒC amb un O coma Observar
Observar, es primièr una necessitat per èsser eficaça.
Observar, es prene a bèl braç tres enjòcs : conéisser, far conéisser, avalorar.
Observar, es conéisser la situacion de l’occitan dins l’ensenhament, es far conéisser los actors e las accions qu’o fan viure, es comprene çò que favoriza e empacha son desvolopament.
D’ÒC amb un C coma Comunicar
Comunicar, es primièr rendre comun la coneissença de la lenga reala, luènh de las a priòri.
Comunicar, es informar los actors publics de las potencialitats de desvolopament local que pòrta la lenga occitana.
Comunicar, es metre en valor la riquesa istorica e contemporanèa de la langue, de la cort de Guilhèm d’Aquitània a @ali.en.oc sus Tiktok.
Una agéncia de desvolopament de l’occitan
L’Ofici es pas una institucion portant una politica lingüistica, unica e descendenta ; L’Ofici ven, dins un quadre legislatiu qu’a evoluat, una engenhariá publica, de tip agéncia de desvolopament de l’occitan actiu pel compte de comanditàrias publicas.
Per ne saber mai, retrobatz lo projècte d’establiment dins son integralitat sus nòstre sit :
