L'OPLO renovèla en 2023 lo « kit d'orientacion » especial lenga occitana lançat en 2022. L'edicion novèla es especialament calibrada per las jornadas pòrtas dobèrtas dels licèus. Lo kit s'adreça exclusivament als caps d'establiment e als professors d'occitan.
L'orientacion : un enjòc de politica lingüistica
Dempuèi 2018, las missions relativas a l’orientacion escolara son fisadas a las Regions. Aquelas novèlas competéncias permeton a la Region Novèla-Aquitània e a la Region Occitània d’integrar la promocion dels percors professionals e de formacion relatius a la lenga occitana a lor estrategia de politica lingüistica.
Los ensenhaires coma menaires de la promocion de l'occitan
Dins los establiments escolars, es suls ensenhaires que repausa sovent la responsabilitat d’aquela promocion. Per respondre a un besonh latent d’aisinatge d’aqueles actors de la transmission de la lenga, las Regions an missionat l’OPLO per concebre un « kit JPO », destinat a fornir aisinas de comunicacion per preparar o organizar un taulièr dins los establiments .
Aqueles kits seràn meses a la disposicion dels ensenhaires e caps d’establiment, sus demanda, en emplenant lo formulari en linha sus aquela pagina.
Aqueste projècte s’inscriu dins lo Plan d’accion licèu per la lenga occitana, finançat per la Region Novèla-Aquitània e la Region Occitània, en collaboracion amb lo Ministèri de l’Educacion nacionala e lo Ministèri de la Cultura.
