L'estiu occitan a l'aurelha
Pendent las vacanças escolaras, l’Ofici que prepausa suus sons hialats « quartièrs d’estiu lingüistics » a la carta.
A cada pòst, un eveniment, gran, mejan, petit…
Eveniments qui’vs haràn viatjar dens los 22 departaments deu perimètre prioritari d’intervencion de l’Ofici.
Eveniments qui hèn víver la lenga occitana per la poesia, lo conte, lo cant, la musica, la randolejada, las arts plasticas, lo cinèma…
Aquera seleccion, subjectiva, umila e afichada com tala, qu’ei estada realizada peus desvolopaires de l’Ofici a partir
- de la cartografia de l’Observatòri partenarial deus actors accessibla ací : https://www.jemejettealoc.com/loc-pres-de-chez-vous/
- de l’agenda collaborativa CalenDiari accessibla ací: https://openagenda.com/fr/occitan
- de la coneishença deu terren de cadun deus desvolopaires
- de la lor set mei que vadenta d’evasion(s) estivau(s)
Mes que i a viatges qui son immobiles. Dens un amac per exemple. En legent un libe. O en escotant un podcast qui'ns mia luenh.
𝑼𝒏 𝒆𝒔𝒕𝒊𝒖 𝒆𝒏 𝒐𝒄𝒄𝒊𝒕𝒂𝒏 #14
🚆Alavetz, quan un podcast vse parla de gara, de tren, en occitan, que’s va enqüèra mei luenh dens la paradòxa spatio-temporau !
➡️Qu’ei lo cas dab l’excellent podcast « Lo jorn qui… 31 d’agost 1856 » realizat per Matieu Casanova e produsit per Lo Diari.
Que s’i descobreish l’arribada deu tren a Tolosa e la creacion de la gara de Matabiau lo 31 d’aost de 1856.🚉N’esitatz pas a vosauts cabussar dens lo raconte d’un eveniment qui a cambiat la cara de la vila e deu Mieidia en generau.
🕛 🕐 13 minutas d’escota rica e accessibla on se descobreish per exemple que dinc en 1889, los relòtges de la gara que balhavan …. duas òras, la de París e la de Tolosa!
🔮Entà temptar l’aventura : 31 d’agost de 1856 • Podcast • Lo Jorn Que… • Lo Diari
🎧Autes podcasts que hèn descobrir Avinhon en 1335, Carcin en -51, Marselha en 1764, Nimes en 1894….
👉Aqueths podcasts la soa a retrobar sus totas las platafòrmas (➡️ Lo Diari) e sus Lo Jorn Que… • Lo Diari
𝑼𝒏 𝒆𝒔𝒕𝒊𝒖 𝒆𝒏 𝒐𝒄𝒄𝒊𝒕𝒂𝒏 #15
✈️Perqué non pas viatjar a Japon e tot aquò en occitan?
Qu’ei çò qui’vs prepausa l’episòdi 26 deu podcast « Tè! Lo podcast » produsit peu CIRDÒC–Institut occitan de cultura
🖱️Episòdi 26 : lo Japon e las lengas minorizadas. • Podcast • Tè ! lo podcast
➡️Aqueth episòdi que’ns hè encontrar Naoko Sano, ensenhanta e cercaira en occitan a l’Universitat prefectorau d’Aïchi a Japon.
🈁Qu’i explica lo son rapòrt personau a la lenga occitana e la situacion de las lengas minorizadas a Japon.
🎧Autes podcasts que hèn descobrir enter autes la lana dens lo monde pastorau cevenòu, l’istòria de la BD occitana a Niça, lo lengatge shiulat dens los Pirenèus, las hèstas dens Lengadòc…
👉Aqueths podcasts que son a retrobar sus totas las platafòrmas (➡️ Tè! Lo podcast ) e sus Tè ! lo podcast • Podcast • CIRDOC – Institut occitan de cultura
𝑼𝒏 𝒆𝒔𝒕𝒊𝒖 𝒆𝒏 𝒐𝒄𝒄𝒊𝒕𝒂𝒏 #18
🪩Dens la seria d' »un estiu en occitan », qu’avem hèra parlat de bal e de musica a dançar pr’amor qu’ei un vector de lenga occitana.
🎧Que’vs prepausam de contunhar aqueth viatge mes per la pensada, ua « viatge immobile dançat » dab ua seria audio de quate episòdis : « Radiografia deu bal » realizat per Péroline Barbet-Adda e produsida per M*Ondes Audio.
👉Aqueths podcasts que son a retrobar sus totas las platafòrmas e sus Radiographie du bal | M*Ondes audio
👉La question deu bal « trad » o « fòlc » que despassa largament l’aira occitana mes lo dinamisme qui coneish actuaument en França e Euròpa aquera practica qui existeish despuish la fin de las annadas 60 qu’interròga particularament los territòris qui an l’astre de dispausar suu lor sòu ua cultura deu bal e ua lenga com Auvèrnhe, Gasconha, Carcin o Avairon.
𝑼𝒏 𝒆𝒔𝒕𝒊𝒖 𝒆𝒏 𝒐𝒄𝒄𝒊𝒕𝒂𝒏 #19
Lo COLLECTIU DE LAS RÀDIOS LIURA OCCITÀNIA que prepausa un viatge en literatura occitana, viatge qui va
👉deu sègle XII aus nostes dias
👉deu comtat de Foish d’Ademar de Rocafila a l’Argelliers e lo Montpelhièr de Max Roqueta
👉de la trobairitz Beatritz de Dia a Cocanha
👉de las Sirventès de Peire Cardenal aus duèls de batalèra deus Fabulous Trobadors
➡️ Tot aquò dens 12 documentaris radiofonics realizats per 8 ràdios liuras d’Occitània, accessiblas ací ⬇️
Richesse des Auteurs Occitans – CRLO
𝑼𝒏 𝒆𝒔𝒕𝒊𝒖 𝒆𝒏 𝒐𝒄𝒄𝒊𝒕𝒂𝒏 #21
« Si crotzas un ors, sustot que parla eth poliment, apèra’c « Mossur », e que recula doçament shens lo virar l’esquia e que’t deisharà partir »
😨Çò que viatja n°20 de l’estiu en occitan qu’ei ua randolejada dens los Pirenèus e que pòt estar perilhosa.
📻Dens lo son documentari radiofonic, Pierre Willer que’ns hè descobrir lo qui drin de gents an vist, qui drin de cançons tradicionaus pirenencas citan qui pr’aquò a plen de noms :
👉« lo pèdescauç »
👉« lo Mossur »
👉o prenoms com Dominica Martin o Gaspard
Qu’ei sovent en occitan qui l’ors ei descrivut, dirèctament o indirèctament, dens los contes, dens la musica occitana contemporanèa o dens rites ancians e navèths que’s pòt crotzar sustot los sers de Carnaval.
🔮Entà temptar l’aventura e tornar – drin – dens la pèth de l’ors:
➡️Histoires d’ours , un documentaire de Pierre Willer | France Musique
𝑼𝒏 𝒆𝒔𝒕𝒊𝒖 𝒆𝒏 𝒐𝒄𝒄𝒊𝒕𝒂𝒏 #23
Dens la seria de podcast realizada per l’equipa de recèrca de « Traversées » de l’Universitat Bordèu 3 – Miquèu de Montanha, que s’interròga las nocions d’autenticitat e de transmission intergeneracionau, que’s viatja tanben dens lo monde de la marcatica e dens los mondes deu Patrimòni Culturau Immateriau gascon, lengadocian e auvernhat….
… e que ns’avisam que lo monde de la publicitat ei hèra mei conservator e nostalgic que las practicas tradicionaus qui, per natura, que’s renovèlan shens cès ni pausa.
🎧Entà ne saber mei:
A notar fin finau que s’i enten, dens dus episòdis,
👉 lo noste collèga Maude Puech,
➡️Est-ce que t’entends ce que je vois ? | TRAVERSÉES – Vous avez dit vintage ? – Épisode 2 | Ausha
👉 lo noste partenari Jean-Jacques Castéret deu CIRDÒC–Institut occitan de cultura.
➡️Est-ce que t’entends ce que je vois ? | TRAVERSÉES – Stories & Memories – Épisode 2 | Ausha
Eths tanben, segon la formula de « Traversées », qu’an « compausat lo passat au present » .
𝑼𝒏 𝒆𝒔𝒕𝒊𝒖 𝒆𝒏 𝒐𝒄𝒄𝒊𝒕𝒂𝒏 #26
🔚 Entà acabar la nosta seria de proposicions d’excursions auditivas occitanas e innovantas, que’vs prepausam ua experiéncia atipica, quitament suberrealista.
🥳Lo podcast singular que’s neureish de la hèsta, au purmèr abòrd destimborlada, de la « Pantoflada » qui’s tien au solstici d’estiu au Tèrçlòc gerit per l’asso La Solana.
🥿 Aquera hèsta qu’aunora la “Purmèr cònsol Pantofla”, gardiana deus pès au caud e deus còrs leugèrs. Calcat sus la celebracion pagana deu solstici d’estiu, la « pantoflada » que vòu reïnventar aqueth rite ancian, en gardant ua vertat e ua coheréncia patrimoniau.
🥿Pr’amor que, entà que la Purmèr cònsol Pantofla se hàcia enlà, que la cau getar. Ua tradicion qui mèrca lo moment far de la hèsta : lo lançar de pantoflas, organizat devath l’egida plan seriosa de la Federacion Occitana de Lançar de Pantofla.
📻Aqueth podcast atipic, qu’ei lo qui a realizat en dirècte Ràdio Pais en comentant lo concors de lançar de pantofla.
Ludovic Jouanserre e Sylvain Carrère que son coneishuts entà estar grans comentaires en occitan de partida deu Top 14.
Qu’an relhevat lo desfís de comentar pendent ua òra e miei lo concors far de lançar de pantofla.
➡️Streamez Retransmission Pantoflada de 2025. par Ràdio País | Écoutez en ligne gratuitement sur SoundCloud
Un mejan destimborlat mes eficaç entà tornar dens la lenga occitana!
Entà accedir au débriefing video « segon-partida » d’aqueth concors, que podetz egaument espiar la video de Dètz.lab :
DÈTZ | 🩴PANTOFLADA DE 2025 🤝 🥇Una partida istorica, que nos contan @bouyssoubenjamin e Mickaël Vidal🎙️ 🩰doas grandas figuras de la disciplina📝… | Instagram
Petit Bònus ! Entà vse har ua idèa de la disciplina freestyle (en sòlo o ne coble) :
➡️ Au programme d’ERA PANTOFLADA III, du 12 au 14 juin à Jézeau (65), il y a notamment du « Freestyle Pantoufle ». On se devait vous expliquer. Serez-vous prêt à faire votre numéro pour samedi ?? Lien de l’évènement : https://fb.me/e/67Cx7HkPq La Mal Coiffée Papà Gahús DAHU Collectif Ràdio País #Albada La Région Occitanie / Pyrénées-Méditerranée #parlemunaculturaviva | La Soulane | Facebook
