L’Oc en VOD, qu’es aquò ?
Dins l’encastre d’un partenariat amb l’associacion Conta’m, l’Ofici public de la lenga occitana lança una ofèrta preferenciala per permetre als ensenhaires d’accedir a de contenguts audiovisuals doblats en occitan.
Lançada lo 7 de decembre de 2020, OcVOD es una plataforma que permet lo visionatge en streaming (VOD) de filmes, dessenhs animats e serias en occitan, pels petits e grands.
L’ofèrta prepausada per l’OPLO pretend respondre a una fòrta demanda dels ensenhaires, mesa en lum pendent lo confinhament, d’espleits pedagogics favorizant l’oralitat e a acompanhar una iniciativa innovanta en lenga occitana.
Modalitats
- Presa en carga d’un tèrç de l’abonament annal per las escòlas, siá un prètz final de 67€ al luòc de 100€/an ;
- Accès illimitat a l’ensemble del catalòg ;
- 2 ecrans simultanèus ;
- Soscripcion a realizar dirèctament près de OcVOD: ocvod.fr/.
Condicions
- Ofèrta reservada a las escòlas (publicas o privadas) bilingüas a paritat orari, immersivas o perpausant un ensenhament renforçat en occitan de las Regions Novèla-Aquitània e Occitània ;
- 1 abonament per escòla ;
- Ofèrta valable del 07/12/20 al 01/03/21 ;
- Ofèrta reservada a las 180 primièras escòlas abonadas.
Cossí beneficiar de l'ofèrta ?
- Mandatz un corric a l’adreça ocvod@contam.fr en precisant de quina escòla s’agís e vòstra volontat de soscriure a un abonament annal ;
- L’associacion Conta’m verifica que vòstra escòla es ben elegibla a n’aquela ofèrta ;
- Podètz far lo pagament e recebètz un còdi de connexion valable un an per vòstra escòla !
Aquela iniciativa de l’Ofici s’inscriu dins una dinamica de mesa a disposicion d’espleches adaptats als besonhs dels ensenhaires d’occitan:
- ressorsas pedagogicas produsidas per Canopé-Cap’Oc;
- ressorsas complementàrias à travers las produccions mediaticas en occitan (radiofonicas o audiovisualas via Octele notadament);
- 1ièr chèc-libre en occitan «Libe-Libre!», desplegat a la dintrada 2020 per las escòlas bilingüas e immersivas de Novèla Aquitània.
