Sintèsi dels dispositius meses en plaça per las Regions Novèla-Aquitània, Occitània e l’Estat per çò que concernís las ajudas d’urgéncia als operators culturals e linguistics dins lo quadre de la crisi sanitària del Covid 19.
De manièra generala, l’Estat a definit mantunas mesuras de sosten a l’activitat associativa, notadament per las associacions qu’an una activitat economica atal coma per las associacions emplegairas (allocacion d’activitat parciala, prèstes garantits, fonds de solidaritat, repòrts de loguièrs…) detalhadas aquí : https://associations.gouv.fr/covid.html
Tanben, lo site del Moviment associatiu, plan documentat suls mejans per las associacions de s’acarar a aquela crisi, pòt èsser una sorça d’informacions eficaça : https://lemouvementassociatif.org/covid-19-associations-faire-face-a-la-crise/ .
En complement dels dispositius de l’Estat central, los membres de l’Ofici (Region Novèla-Aquitània e Occitània atal coma l’Estat via de crèdits de la DFLFLF) an desvolopat diferents supòrts d’informacion e dispositius accessibles amb los ligams que seguisson :
- Per la DGLFLF (Delegacion generala a la lenga francesa e a las lengas de França – ministèri de la Cultura) : https://www.culture.gouv.fr/Actualites/Covid-19-le-ministere-de-la-Culture-informe-et-ecoute-les-professionnels
- Per la Region Novèla-Aquitània: https://fr.calameo.com/read/0060092712ea1ae6bb6c9
- Per la Region Occitània : https://www.laregion.fr/-COVID-19- atal coma un memento especific que concernís las ajudas excepcionalas a las entrepresas https://docs.google.com/document/d/1ANomJZISUQRgKga1ToWf0FWgMq_TnLGPSBPUZUBeVto/edit#heading=h.gjdgxs
Trobaretz çai-après un recapitulatiu de las qualques mesuras principalas presas per las Regions e l’Estat e que pòdon èsser mobilizadas – jos condicion d’eligibilitat – per las estructuras beneficiàrias de finançaments de l’Ofici. Cal notar que per las ajudas distribuïdas dirèctament per las Regions jos forma de subvencion, de mesuras foguèrons presas suls dos territòris per facilitar las demandas de versament.
Per çò de las subvencions reversadas per l’Ofici, de subvencions o d’avanças foguèron votadas en abril a totes los operators associatius qu’an de salariats e/o qu’an senhalat de dificultats de tesaurariá als servicis de l’Ofici.
La còla de l’Ofici demòra a vòstra dispausicion per tota question a l’adreça : contact@ofici-occitan.eu
Clicatz sus l’imatge per l’agrandir, o alara telecargatz la version PDF.
