L’Ofici public de la lenga occitana (OPLO) se dòta d’un Comitat conselh

Comunicat de premsa

L’Ofici public de la lenga occitana (OPLO) es un gropament d’interès public que l’Estat (Ministèri de
l’Educacion nacionala e Minist
èri de la Cultura), la Region NovèlaAquitània e la Region Occitània li an delegat lors competéncias en matèria de politica lingüistica dedicada a la lenga occitana.

Aumentar lo nombre de personas que parlan e que comprenon l’occitan

Dempuèi sa creacion en 2016, l’Ofici public de la lenga occitana s’es donat per objectius de far la promocion de l’occitan, de ne melhorar la transmission e d’aumentar lo nombre de personas que parlan e comprenon la lenga.

Per tal de melhorar l’eficacitat de sas accions e en seguida d’una experimentacion capitada en 2019, l’OPLO ven d’adoptar un comitat conselh perene que serà en carga de balhar sos vejaires sus l’ estrategia globala del gropament e sas orietacions a mejan e long tèrme, los projèctes a venir o encara las demandas de subvencions.

Afinar las causidas estrategicas e afortir la demarcha de concertacion

« L’instauracion d’aquel comitat-conselh va permetre a l’OPLO d’afinar sas causidas estrategicas e lor ierarquizacion – i a tant a far, mas tanben de beneficiar de competéncias complementàrias an aquelas de l’equipa e de sas tutèlas, explica Charline CLAVEAU, presidenta de l’OPLO. L’enjòc es tanben d’assolidar una démarche mai sistematica de concertacion, en associant lo mitan occitan e d’autres actors extèrnes pertinents a l’elaboracion de las politicas publicas dedicadas a la lenga occitana ». Concretament, aquel comitat-conselh se compausarà de diferents representants de collectivitats territorialas, d’establiments de formacion, d’associacions o de mèdias. Sa composicion, provisòria, serà menada a evolucionar dins los meses que venon.

« Lo mai important èra d’estructurar un encastre de concertacion perseguís Charline CLAVEAU. Fins ara, aviam concertat pontualament, a de moments-claus, coma per l’elaboracion del plan d’accion de l’Ofici, o sus cèrts subjèctes fòrça especifics, coma per l’elaboracion de la campanha d’informacion sus l’ensenhament de l’occitan al collègi. Èra indispensable de d’assegurar una demarcha mai larga e mai sistematica a l’entorn del projècte general de l’Ofici, e en prevision de l’arribada d’una  equipa novèla de gouvernance a l’Ofici. Lo moment es lo bon : après 4 ans d’existéncia, l’OPLO es ara plenament operacional, a començat sos dispositius d’intervencion essencials e pres sa plaça dins lo paisatge institucional; enfin, sas equipas son renfortidas».».

Lo comitat conselh es ja estat consultat a la fin de març per estudiar las demandas de subvencions. Se reünirà a la fin abrial e aurà per tasca de soscar sus sa pròpria compausicion e sus las melhoras modalitats de trabalh d’aquel organ novèl.

Ofici public de la lengua occitana

22, bd maréchal juin
31406 Tolosa cedex 9

Tel 05 31 61 80 50

contact@nullofici-occitan.eu

Scroll to Top