Las lengas regionalas representadas al 15en congrès de las Regions a Bordèu / octobre de 2019

Lo 30 de setembre e lo 1er d’octobre passats, se teniá a Bordèu lo 15en congrès de las Regions titolat : « ma Region agís per ieu ». Lo primièr ministre Édouard Philippe èra lo convidat d’onor d’aquelas jornadas organizadas per Regions de França. Lo ròtle de l’escalon regional dins lo novèl acte de descentralizacion annonciat pel president de la Republica èra al còr dels debats e dels talhièrs tematics.

La comission lengas regionalas de Regions de França, presidida per la Region Bretanha, installèt a aquela ocasion un espaci d’acuèlh dedicat a las lengas regionalas en partenariat amb la Region Novèla-Aquitània, Region aculhenta.

L’Ofici public de la lenga occitana e l’Ofici public de la lenga bretona se mobilizèron per animar aquel espaci e i representar las lengas regionalas. En preséncia de los presidentas respectivas, Charline Claveau-Abbadie e Lena Louarn. Los oficis an atal contribuït a sensibilizar los participants a aquela tematicas al còr de las politicas publicas de fòrça Regions. Aquela accion a donat de la visibilitat a las lengas regionalas al dintre d’un eveniment de dimension nacionala que reüniguèt mantunes ministres, presidents de Regions, elegits e tecnicians de las Regions.

Espaci d’acuèlh de la comission lengas regionalas ©OPLO/AP
Lena Louarn e Charline Claveau-Abbadie ©OPLO/FR

Ofici public de la lengua occitana

22, bd Maréchal Juin
31406 Tolosa cedex 9

Tel 05 82 60 02 80

Scroll to Top