La politica lingüistica occitana jos l’agach dels còrses

Lo 25 de febrièr passat, l’Ofici èra audicionat pel Conselh economic, social, environamental e cultural de Corsega. Aquel organisme, qu’ajuda lo Conselh executiu e l’Amassada de Corsega, compren tres seccions, qu’una es dedicada a la cultura, a la lenga còrsa e a l’educacion.

Lo CESEC acampèt aital un grop de trabalh sul bi-plurilingüisme. Aquel comencèt notadament de consultar d’actors d’autras Regions animadas per d’enjòcs de preservacion d’una lenga regionala. Aital coma lo Congrès permanent de la lenga occitana, l’Ofici foguèt sollicitat per presentar la politica lingüistica menada en region Novèla Aquitània e Occitània per salvagardar e valorizar la lenga occitana.

Aisinas d’avaloracion de las practicas de la lenga, apropriacion de la tematica pels actors institucionals, frens e levadors estrategics de desvolopament de las practicas de l’occitan, son aitant de subjèctes abordats dins l’encastre d’aquela audicion. Convençut de l’importància de la salvagarda de la diversitat lingüistica, l’Ofici respondèt present al convit còrse e enten perseguir las siás accions de cooperacion a l’entorn de las lengas regionalas.

2020 ©OPLO

2020 ©OPLO

Ofici public de la lengua occitana

22, bd maréchal juin
31406 Tolosa cedex 9

Tel 05 82 60 02 80

Scroll to Top