Dins l’encastre de l’edicion de son kit a destinacion dels actors de las collectivitats localas, l’OPLO publica una segonda ficha destinada a acompanhar lo desvolopament de l’ensenhament afortit de l’occitan.
L'ensenhament afortit, una modalitat d'ensenhament en fòrt desvolopament
A la diferéncia de l’ensenhament bilingüe que prevei un ensenhament a rason de 12 oras setmanièras en francés e 12 oras setmanièras en occitana, l’ensenhament afortit es dispensat a rason de 3 oras setmanièras. Es un ensenhament pluridisciplinari : l’occitan es pas ensenhat coma lenga, mas a travès d’autras disciplinas, ensenhadas en occitan.
L’ensenhament afortit es un dispositiu pròpri a las escòlas publicas. Concernís totes los escolans e totas las escolanas e l’escòla concernida. Es generalament preconizat per las escòlas de mens de 5 classas.
Pertot sul territòri, l’ensenhament afortit se desvolopa, jos l’impulsion de las collectivitats localas sustot.
Acompanhar las collectivitats volontàrias
Es justament per accompanhar las collectivitats volontàrias que l’OPLO publica aquela ficha. Serà integrada dins un « kit collectivitats » que serà utilizat pendent los diferents rencontres amb los elegits e las elegidas, prepausat en depaus a mantun endrech estrategic del territòri interregional e enviat, sus demanda, als actors e militant.as de terren.
