Focus sus las decisions presas per l’Ofici public de la lenga occitana dens l’encastre de la sona darrèira Amassada generala / de seteme de 2019

Benoit Delaunay, navèth Rector de Tolosa, remplaça Anne Bisagni-Faure com 2nd Vice-President de l’OPLO

L’Amassada generala de l’Ofici public de la lenga occitana desira la benvenguda au Sénher Benoît DELAUNAY, Rector de l’academia de Tolosa, navèth 2nd vice-President de l’OPLO que prenguèt sas foncions en data deu 24 de julhet passat.

Per çò de sa predecessora, Dauna Anne BISAGNI-FAURE, es nomenada Rectora de l’academia de Bordèu e de la region academica Novèla-Aquitània.

Ajuda ENSENHAR de cap aus estudiant : atribucion de 11 borsas d’estudis (1èira session)

L’Ofici public de la lenga occitana prepausa una ajuda financèira aus estudiant-a-s que vòlen vàder professor-a-s de las escòlas de classas bilinguas francés – occitan dens lo purmèir grad en region Novèla-Aquitània e Occitania. La borsa d’estudis ENSENHAR, d’un montant de 4 000 € attribuits per annada universitària, es accessibla en Licéncia 3 e/o Master 1.

En seguida de la recepcion d’una purmèira seria de candidaturas per l’annada 2019-2020, l’Ofici public de la lenga occitana votèt l’atribucion de 11 borsas, per un montant totau de 44 000 €. Atau son 3 estudiants en region Novèla-Aquitània e 8 en region Occitania qui receberàn una ajuda financèira pr’au lor engatjament en favor de la lenga occitana.

La segonda session de candidatura per augan es duberta dinc au 30 de seteme de 2019.

 

Ofici public de la lengua occitana

22 bd maréchal Juin
31406 Tolosa cedex 9

Tel 05 31 61 80 50

contact@ofici-occitan.eu

Scroll to Top