En ligam dab la soa devisa (DOC : Desvolopar – Observar – Comunicar), l’Ofici Public de la Lenga Occitana que tribalha despuish mantuns mes dab l’Agéncia de comunicacion Datack
entà Observar e conéisher la realitat deus creators de contienuts suus hialats sociaus qui valorizan la lenga dens los lors contenguts ( O )
entà trobar mejans de Desvolopar aquera practica dens un espaci de sociabilitat màger de la nosta epòca e deus mei joens locutors ( D )
entà amplificar la capacitat deus creators de contienuts a Comunicar sus ua lenga viva e plea de ressorsas a espleitar ( C )
Tot aquò qu'arrecoteish a aquera purmèra operacion vededera dens l'esperit deu DOC, nom deu projècte navèth d'establiment de l'Ofici.
En efèit, après aver repertoriat mei de 220 comptes qui pòrtan d’un biaish o d’un aute un espiar sus la lenga, qu’avem decidit d’amassar dijaus darrèr a Tolosa de las « nano e micro-influenciaires » plan prometedís (100 000 followers taus 13 influençaires).
Au programa :
Encontre e escambis deus participants vienuts de Gasconha, Provença, Auvèrnhe e Lengadòc.
Encontre dab Oh là là Toulouse, un creator de contienuts professionau
Encontre dab Thomas Berard de la mèrca Bonjour qui a desfidat los 13 creators de contienuts occitans de soscar a la promocion digitau d’ua possibla « capsula » occitana nommada « Bonjorn » o « Adiu »
Visita deu Castèth d’Aiga de Tolosa qui ns’a obèrt las soas pòrtas entà descobrir en occitan l’exposicion de Sophie Zénon « l’umus deu monde ».
Encontre d’operators interregionaus de l’Ofici qui son autant de ressorsas possiblas entà aqueths difusors de la lenga e de la cultura occitanas.
Un granmercés
a tots los participants entad aqueth moment qui ne serà pas lo darrer!
a Oh là là Toulouse, Bonjour, lo Castèth d’Aiga entau lor investiment dens aqueths encontres.
a La Topina entau son arcuelh.
a Datack entà l’organizacion.
a l’Edicion occitana de France Télévisions entau reportatge qui presenta la jornada
