Parlas occitan suls malhums socials ? Participa al concors de l'Euroregion Pirenèus-Mediterranèa e empòrta l'un dels 6 prèmis meses en jòc. En tot, mai de 5000€ son a ganhar !
L’Euroregion Pirenèus-Mediterranèa, que reünís la Region Occitània, Catalonha e las Illas Balearas, desira recompensar las iniciativas de joves que participan a renforçar la preséncia de l’occitan suls malhums socials. S’es lo cas dels contenguts que publicas, esites pas emplenar lo formulari de candidatura ! Tres categorias son prepausadas : individual, collectiu e entitat, amb de prèmis de 400€ a 1200€ !
- Valorizar l’usatge de la lenga occitana dins tots los sectors de la societat ;
- Encoratjar las iniciativas de la joventud que favorizan l’utilizacion de la lenga occitana en direccion dels joves sus Internet ;
- Far participar los joves, subretot dins lo contèxt de l’Annada europèa de la Joenessa ;
- Motivar los escambis lingüistics e culturals entre las regions ;
- Sosténer los joves que crèan o presentan de contenguts de tota tematica suls malhums socials en occitan.
Podon participar al concours tots los joves :
- de 16 a 30 ans (personas individualas, grops informals o entitats) ;
- los animators de perfil/cadena/fials suls malhums socials a l’entorn de la lenga occitana ;
- en ligam amb lo territòri de l’Euroregion Pirenèus-Mediterranèa (Occitània, Catalonha, Illas Balearas).
Los critèris de seleccion son :
- Originalitat, coeréncia, qualitat e pertinéncia dels contenguts ;
- Talha de la comunitat creada ;
- La qualitat de l’iniciativa dels joves ;
- Impacte positiu sus l’occitan dins la societat;
- Capacitat a atraire de publics nòvels ;
- Poder de comunicacion.
- Prèmis individuals (iniciativa individuala portada per una persona fisica) :
- 1r prèmi : 600€
- 2n prèmi : 400€
- Prèmis collectius (projècte o iniciativa portada per un grop de tipe « classa », amics, eca.):
- 1r prèmi : 1 000 €
- 2n prèmi : 800€
- 3n prèmi : 600€
- Prèmis «entitat» :
- 1r prèmi : 1200€
- 2a prèmi : 1000€
- ubertura del concors : del 3 d’octobre al 8 de decembre de 2022
- Recepcion e tractament de las candidaturas : del 18 al 8 de decembre de 2022
- Avaloracion dels projèctes : del 28 de novembre al 9 de decembre de 2022
- Publicacion dels resultats : del 16 al 20 de genièr de 2023
- Remesa dels prèmis : 23 de febrièr de 2023
Cossí participar ?
- Completar lo formulari çai jos (en francés o en occitan) :
- Adjuntar la letra d’engatjament e, eventualament, l’autorizacion pels menors ;
- Enviar los documents a corrièr@euroregio-epm.eu ;
- Completar lo formulari çai jos s’avètz besonh d’ajuda !
