Revirada es lo traductor automatic francés-occitan lançat fin 2022 pel Congrès permanent de la lenga occitana (CPLO).
Permet en particular de :
- revirar sulcòp de documents (amb conservacion de la mesa en pagina) ;
- revirar sulcòp de sits web ;
- revirar lo tèxt d’una fòto presa gràcias a l’aplicacion per telefonet.
Après 5 meses de mesa en servici, l’aisina encontra una enòrma capitada, amb mantun centena de milièrs de connexions e de dintradas.
Totun, la mantenença d’aquel esplech a un còst : en particular per la solucion tecnica e los servidors. Coma aqueles fraisses son proporcionals a la frequéncia d’utilizacion del servici, l’opcion considerada per garantir sa perennitat èra de far pagar lo servici de traduccion de document segon lo nombre de mots contenguts dins lo document (a gratis fins a 500 mots ; 0,008€ per mot pels documents de mai de 500 mots).
Per tal de mantenir lo caractèr gratuit e illimitat de son utilizacion, un finançament especial es estat atribüit al Congrès per l’OPLO. Es d’ara enlà possible d’utilizar un còdi especial, “REVIPROF“, per poder utilizar toutas las foncionalitats a gratis e sens limits.
Lo finançament dels còsts adicionals engendrats serà garantit per la venenta convencion pluriannala entre l’OPLO e lo Congrès.
