Pel primièr còp, l'Ofici public de la lenga occitana e los 4 rectorats de las acadèmias de Bordèu, Lemòtges, Montpelhièr e Tolosa dobrisson un apèl a candidaturas comun dins l'encastre del dispositiu « ENSENHAR Professor.a ».
"ENSENHAR Professor.a", qu’es aquò ?
ENSENHAR Professor.a es un dispositiu pilotat per l’Ofici public de la lenga occitana (OPLO), en collaboracion amb los servicis de l’Educacion nacionala, als nivèls academic e departamental.
S’agís de formar, sus una annada escolara, d’ensenhaires e ensenhairas capables d’ensenhar l’occitan e en occitan.
Per la dintrada 2023-2024, l’OPLO assumís l’integralitat del còst de la formacion, e la remuneracion dels professor-a-s del 1r e del 2d gra es assegurada per l’Educacion nacionala e mantenguda en totalitat.
A qual s'adreça aquel dispositiu ?
Totes los ensenhaires e totas las ensenhairas del 1r gra pòdon ensenhar la/en lenga occitana. Au 2nd gra, una abilitacion a ensenhar en occitan pòt èsser obtenguda, siá per ensenhar l’occitan com LVR, siá per ensenhar sa disciplina en occitan se s’agís d’une DNL.
ENSENHAR Professor.a s’adreça als ensenhaires e a las ensenhairas titularis que son en pòste dins l’Educacion nacionala (1èr e 2nd gra) dins l’acadèmia de Bordèu, Lemòtges, Montpelhièr o Tolosa
A títol excepcional e jos resèrva de possibilitats de mutacions dins l’acadèmia concernida, lo dispositiu se pòt tanben adreçar als ensenhant.e.s titulars que son en disponibilitat (non-remunerats per l’Educacion nacionala) o que benefician d’un comjat de formacion fòra acadèmia de Bordèu, Lemòtges, Montpelhièr o Tolosa.
Cossí se passa ?
- Un dossièr de candidatura serà adreçat al Rectorat e a l’Ofici public de la lenga occitana.
- Una comission s’acamparà la primièra setmana d’abril per recebre qualques candidats.
- Los/las professor.a.s benefician d’una descarga de cors a temps plen pendent los 10 meses de la formacion, sus la totalitat d’una annada escolara en tot alternar cors e estagis en classa.
- Mai d’info sus la procedura : https://www.ofici-occitan.eu/oc/voletz-ensenhar-loccitan/dispositiu-ensenhar-professor/
Webinari d’informacion lo 8 de març 2023 a 16:30
Per tal de respondre a las questions de las ensenhairas e dels ensenhaires, l’OPLO prepausa un webinari lo dimècres 8 de març de 2023 de 16:30 a 18:00.
