Adopcion de novèlas convencions amb las acadèmias de Tolosa e Montpelhièr

Après las acadèmias de Bordèu e Limòtges, de nòvas convencions academicas venon d’èsser signadas entre la Region Occitània e las acadèmias de Tolosa e Montpelhièr, aital com l’Ofici public de la lenga occitana.

Aquelas convencions preveson subretot:

  • d’aumentar de 26% los efectius d’escolans bilingües ;
  • de renforçar la continuitat dels cursus de formacion ;
  • de facilitar lo dialòg entre los servicis de l’Educacion nacionala, las collectivitats e los operators associatius ;
  • de se balharde mejans per acréisser durablament lo nombre d’ensenhaires d’aquí 2022.

Los signataris d’aquelas convencions espèran de  conjugar lors esfòrces per sosténer e espandir l’ensenhament de l’occitan dins los territòris concernits, amb una atencion tota particulara portada als publics e territòris los mai fragils.

Lo creissement de la ressorsa ensenhanta qualificada en occitan es un dels axes de trabalh prioritaris visant aquel desvolopament.

Aquela convencion completa las politicas transversalas e intersectorialas  menadas per las collectivitats territorialas en favor de l’occitan dins l’encastre de las competéncias definidas pel còdi general de las collectivitats territorialas en vigor. S’agiguèt en particular de crear un environament sociolingüistic favorable al dintre dels territòris.

De notar que los Conselhs departamentals d’Avairon, de Nauta Garona, de Gers, de las Hautas Pirenèisa, de Tarn e de Tarn e Garona, aital coma la vila de Tolosa son signatàrias de la convencion establida amb l’Acadèmia de Tolosa.

Retrobatz-aquí lo comunicat de premsa comun del 13/11/2020.

Ofici public de la lengua occitana

22, bd maréchal juin
31406 Tolosa cedex 9

Tel 05 82 60 02 80

Scroll to Top