Per l’annada 2021-2022, l’Ofici public de la lenga occitana e lo rectorat de l’academia de Bordèu finançan la formacion deus-de las professor-a-s que desiran ensenhar l’occitan, o en occitan, damb lo dispositiu « ENSENHAR professor ».
ENSENHAR, qu’es aquò ?
Lo pilotatge deu dispositiu es uèi hidat a l’Ofici public de la lenga occitana, en collaboracion estreita damb los servicis de l’Educacion nacionau, autan plan au nivèu rectorau com au nivèu departamentau.
L’objectiu deu dispositif ENSENHAR Professor es de formar un nombre sufisent de personas qui sian en capacitat d’ensenhar l’occitan o en occitan dens lo sistèma escolar per fin de perméter la transmission d’aquera lenga e d’aquera cultura.
Per la dentrada 2021-2022, l’Ofici finança entièrament lo còst de la formacion, e la remuneracion deus-de las professor-a-s deu 1èire deu 2nd grades assegurat per l’Educacion nacionau e mantienut en totalitat.
A quau s’adreiça aqueth dispositiu ?
Tot-a-s los-las ensenhaire-a-s deu 1èir grad pòden preténer ensenhar la lenga occitana, e aqueths e aqueras de n’impòrta quala disciplina dens le 2nd pòden èster abilitat-ada-s en occitan.
ENSENHAR Professor s’adreiça aus-a las ensenhaire-a-s titulàri(a)s que :
- Son en pòste au dentre de l’Educacion nacionau (1èir et 2ndgrad) dens l’academia de Bordèu e benefician d’una inscripcion au Plan de Formacion Continua ;
- Son en disponibilitat (non-remunerats per l’Educacion nacionau) ;
- Benefician d’un congècte formacion hòra academia de Bordèu.
Coma se debana ?
En parallèle de la demanda de pòste especific qu’incluís la participacion au Plan de formacion continua hèita individuaument per cada professor-a au rectorat de Bordèu, un dossièr deverà èster adreiçat a l’Ofici public de la lenga occitana – dispositiu « ENSENHAR Professor ».
Lo(la) professor-a beneficia d’una descarga de cors a temps plen pendent los 10 mes de la formacion, sus la totalitat d’una annada escolara en tot alternar cors e estagis en classa.
Depaus de las candidaturas deus-de las ensenhaire-a-s : entre le 29 de genèir e lo 12 de març de 2021.
