Oficiaument creat aqueth estiu, lo PNR Comenge Varossa Pirenèus qu’ei lo 26au Parc Naturau Regionau dab tot o partida deu territòri comprés dens l’espaci lingüistic de l’occitan lenga d’òc. Que’n recobran haut o baish un quart de la superficia.
Pr’amor que lo lor objectiu ei la preservacion deus patrimònis naturaus e culturaus,
Pr’amor qu’amassan las collectivitats territoriaus e los actors locaus,
Pr’amor que la lenga participa de l’identitat d’aqueths territòris…
La quasi-totalitat deus PNRs arrepresentats sus la mapa que hèn de la valorizacion de la lenga un enjòc, dab ua mencion dens las Cartas qui conduseishen la lor accion, per mantun canau : senhaletic, toponimia o educacion per exemple.
L’escadença de tornar aperar que l’Ofici, lo CIRDOC, lo Congrès permanent de la lenga occitana e los lors partenaris, dens l’encastre deu projècte D’OC Amassas, que son tostemps a disposicion deus Parcs tà un acompanhament dens la realizacion deus objectius citats dens aqueras Cartas.
