Après un an de « pepitas », aquí una rubrica novèla per l’observatòri ! Sul meteis principi, cada fin de mes, vos partejarem una mapa que mostrarà l’espaci occitan en partida o en entièr ; parlam aicí del territòri istoricament occitanofòne. Lo principi : far viure aquel espaci e mostrar las sieunas realitats, ambe de tematicas divèrsas.
Comencem simplament en prenent de nautor, ambe aquela vision satellita centrada sul territòri, partejat entre França, Itàlia e Espanha.
Es tanben l’escasença de mercejar bravament nòstre partenari, lo Congrès permanent de la lenga occitana, que lo trabalh de recensament de las comunas de l’airal occitan a permés la mesa en plaça d’aquel ais de l’observatòri. Un grand mercés !
Nos tornam trobar doncas lo mes que ven per contunhar aquela exploracion !
