L'estiu occitan dab l'Ofici
Pendent las vacanças escolaras, l’Ofici que prepausa suus sons hialats « quartièrs d’estiu lingüistics » a la carta.
A cada pòst, un eveniment, gran, mejan, petit…
Eveniments qui’vs haràn viatjar dens los 22 departaments deu perimètre prioritari d’intervencion de l’Ofici.
Eveniments qui hèn víver la lenga occitana per la poesia, lo conte, lo cant, la musica, la randolejada, las arts plasticas, lo cinèma, la creacion de podcast…
Aquera seleccion, subjectiva, umila e afichada com tala, qu’ei estada realizada peus desvolopaires de l’Ofici a partir
- de la cartografia de l’Observatòri partenarial deus actors accessibla ací : https://www.jemejettealoc.com/loc-pres-de-chez-vous/
- de l’agenda collaborativa CalenDiari accessibla ací: https://openagenda.com/fr/occitan
- de la coneishença deu terren de cadun deus desvolopaires
- de la lor set mei que vadenta d’evasion(s) estivau(s)
𝑼𝒏 𝒆𝒔𝒕𝒊𝒖 𝒆𝒏 𝒐𝒄𝒄𝒊𝒕𝒂𝒏 #11
a Albi, dens Tarn
L’Institut d’Estudis Occitans – Seccion Tarn e lo Centre Culturau Occitan de l’albigés que’vs balhan rendètz-vos tot l’estiu, los divés sers, cada quinze dias, au son deus grailes, crabas, sonsainas, bohas, percussions, harpas, guitarras, etc.
👉Qu’ei gratuit, qu’ei tot public, e qu’ei hèit entà dançar!
👉Lo dijaus 01 aost vienent, qu’ei Sylvain Pool e la soa formula Canibal, dab lo son acordeon, la soa votz, e un kick au pè que sufisen entà encantar l’espaci public !
👉Rendètz-vse a 19h sus la Plaça Lapérouse!
𝑼𝒏 𝒆𝒔𝒕𝒊𝒖 𝒆𝒏 𝒐𝒄𝒄𝒊𝒕𝒂𝒏 #12
a Adge, en Erau
🎸Ròck e poesia contemporanèa occitana sus scèna lo 1èr d’aost🪶
Enter fracatge aus accents anglosaxons deu ròck e l’alet poetic qui vien de la Mediterranèa, lo grop Boucs constituït
👉 de Sam Karpienia a la votz, mandole e tamborin,
👉 de Nicolas Lafourest a la guitarra electrica
👉 e de Mathieu Sourisseau a la baisha acostica
🎸qu’investirà lo Musèu d’Arts de Tradicions popularas d’Agde lo 1èr aost vienent.
Mei d’informacion sus :
𝑼𝒏 𝒆𝒔𝒕𝒊𝒖 𝒆𝒏 𝒐𝒄𝒄𝒊𝒕𝒂𝒏 #13
a Flavignac, en Vinhana Hauta.
« Un espectacle dens un fautulh »
🛋️La celèbra formula d’Alfred de Musset que reivindicava l’idèa qui’s podèva autant apreciar las soas òbras teatraus en la vedent sus scèna qui en la legent dens lo son fautulh.
🪶En creant l’espectacle « Marcela qu’a l’aurelha / Marcelle a l’aurelha », la companhia Lilo qu’a tornat la metafòra en l’aplicant a la poesia de la Marcelle Delpastre.
Un fautulh dens un espectacle
🛋️ L’espectator qu’ei convidat a tornar e s’installar confortablament dens cabanas » de chuchotage » constituïdas de materiaus naturaus e calorós, e los comedians que’us vienen marmolhar a l’aurelha, en occitan lemosin e en francés, los vèrmes de l’immensa autora de las « Paraulas sabuts questa qu’enterrè » (« Paraulas sus aquera tèrra »).
En dus mots com en quate. Ua experiéncia a víver. Un viatge immobile inedit.
👉Lo 3 d’aost a 14h00 dens l’encastre de l’écofestival Las Carriòlas a Flavignac.
👉Hèit possible mercés a la cooperacion
- de la Companhia Rouletabille – Hiladera d’Eila a Peirigús,
- deu Parc Naturau Regionau de Millevaches en Lemosin,
- deu Parc Naturau Regionau Peirigòrd-Lemosin,
- de la Bòrda de Villefavard en Lemosin,
- de l’Institut d’Estudis Occitans Lemosin,
- de la Libreria Occitana de Limòtges,
- de l’Agéncia culturau departamentau de Dordonha-Peirigòrd,
- de l’OARA.
👉Tà’n saber mei : Les Carrioles
𝑼𝒏 𝒆𝒔𝒕𝒊𝒖 𝒆𝒏 𝒐𝒄𝒄𝒊𝒕𝒂𝒏 #16
a Astahòrt, dens Òut e Garona
📽️ 🎬 🎥 Lo hestau Asta’Folk que sòrt aquera annada deus sons sendèrs batuts en organizant lo 7 d’aost, endavant programa deu hestau ua projeccion en plen deu filme « Istòria d’Adrien » de Jean-Pierre Denis.
🎞️Aqueth filme, sortit en 1981, qu’a duas particularitats :
🎥qu’a obtienut lo prètz de la Camera d’aur deu hestau de Canas en 1980
🗣️la lenga utilizada entà l’immensa majoritat de las scènas qu’ei l’occitan
🎵la musica deu generic qu’ei estada compausada e interpretada per Joan-Pau Verdier
🧺 🚂 Trajècte d’un mainatge shens pair qui travèrsa la fin deu sègle XIX a la debuta deu sègle XX, « Istòria d’Adrien » que comença dens la vita paisana de la campanha périgourdine entà acabar dens las gravas deus ferroviaris de 1920.
🤝Un encontre debat qu’ei prevista lo realizator qu’ei prevista a 21h abans la projeccion .
👉 Entà mei d’informacion:
▶️ Asta’Folk – Programmes in et off
𝑼𝒏 𝒆𝒔𝒕𝒊𝒖 𝒆𝒏 𝒐𝒄𝒄𝒊𝒕𝒂𝒏 #17
a Vilanòva, en Òut e Garona
😀Que voletz apréner a parlar l’occitan?
La cinquanta e unième escòla occitana d’estiu que’s tienerà deu 10 au 16 d’aost.
📅Au programa : estagi d’aprendissatge, de perfeccionament e de practica en immersion, entà tots e, aquera annada, ua nautat:
🚴♀️ ua « bicicletada » a la descobèrta deu país agenés.
🚵Autament dit, ua visita deu País agenés en bicicleta e en occitan d’ua quarantea de quilomètres
👉entà abordar la lenga dens lo son environament naturau
👉entà abordar los paisatges dens la lenga qui’us a vist nèisher
Mei d’informacions
▶️ Ecole Occitane d’Eté – Escòla Occitana d’Estiu
𝑼𝒏 𝒆𝒔𝒕𝒊𝒖 𝒆𝒏 𝒐𝒄𝒄𝒊𝒕𝒂𝒏 #20
a Grandsaigne, en Corresa.
Perqué visitar la Ciutat de l’acordeon e deus patrimòni de Tula en occitan !
Un audioguide qu’ei disponible a l’entrada de la ciutat, hrut d’ua associacion dab l’associacion BALAD’ÒC e la RÀDIO Bram FM.
L’occitan lemosin que traversava dejà las colleccions de la Ciutat, qui aqueth sia dens lo repertòri deus bals on l’acordeon a ua plaça de causida o dens la boca de las generacions d’obrèrs, los « nas-negres » qui’s son succedits dens la Manufactura d’armas qui constitueish ua de las partidas deu Musèu.
👉 Ne saber mei sus l’audioguide :
👉Ne saber mei sus la Ciutat de l’acordeon e deus patrimònis de Tula
➡️Cité de l’accordéon et des patrimoines
➡️https://www.youtube.com/watch?v=SgtlTU1j45g&feature=youtu.be
𝑼𝒏 𝒆𝒔𝒕𝒊𝒖 𝒆𝒏 𝒐𝒄𝒄𝒊𝒕𝒂𝒏 #24
a Pau, dens los Pirenèus Atlantics.
Dens quau varianta occitana parla Juli Cesar?
👉Gràcias au hestau Hestau Hestiv’òc, en associacion dab Conta’m, que poiratz respóner ad aquera question metafisica.
🎞️Lo 21 d’aost a 21h30, sus la Plaça Récaborde a Pau, au bèth miei de la La Ciutat, que poiratz descobrir Asterix, lo maine deus Dius.
Qu’ei gratuit e obèrt a tots.
🎬Qu’ei la version occitana, sostitolada en francés, deu filme « Astérix : le domaine des Dieux » de Luis Clichy e d’Alexandre Astier, adaptacion era medisha de la celèbra benda dessenhada de René Goscinny e Albert Uderzo.
🤭 🤔 Qué en mei pertinent de balhar ua version occitana a l’album qui pausa, dab hèra umor e de finessa, la question de l’egemonia culturau?
👉Entà saber mei :
▶️ ASTÉRIX : lo maine deus Dius – Festival Hestiv’Òc
𝑼𝒏 𝒆𝒔𝒕𝒊𝒖 𝒆𝒏 𝒐𝒄𝒄𝒊𝒕𝒂𝒏 #24
a Tolosa, en Nauta Garona
Perqué non pas participar a un bal tradicionau mediterranèu?
Qu’ei çò qui prepausa la Tolosa – Comuna e Metropòli en associacion dab l’associacion mōSHən lo 28 d’aost a la Basa nautica e de lésers de la Reynerie.
🪩Lo Bal de Mosaïca – Òc – Chaâbi qu’entermescla musicas deu Magrèb, musicas d’Andalosia e musicas d’Occitània.
🪭Aires arabo-andalós, melodias marroquinas, borrèias e rondèus occitans, tot qu’i passa entà neurir un bal obèrt e las lengas occitana, araba, berbèra e castelhana que cantan dens ua polifonia urosa e comunicativa .
👉 Entà saber mei :
▶️ Le Bal de Mosaïca – Òc-Chaâbi ⋅ Toulouse Mairie Métropole, site officiel.
𝑼𝒏 𝒆𝒔𝒕𝒊𝒖 𝒆𝒏 𝒐𝒄𝒄𝒊𝒕𝒂𝒏 #25
a Nasbinals, en Losera.
👀Lo 30 d’aost qu’ei l’avantdarrèra oportunitat de poder profieitar deu fabulós « hestau » itinerant organizat peu Parc regionau Naturau d’Aubrac :
« Les Nuits des Burons »
😉Punt de vocabulari tot purmèr : los « Burons » que son cabanas petitas de pastor, sovent utilizadas entà la hromatgèra, patrimòni agropastorau emblematic d’Aubrac.
👌Lo principi de las « Nuits des Burons » qu’ei simple :
✅Cauçà’s las cauçaduras de montanha
✅ Pujar dinc au pè d’un buron
✅ Profieitar deu cocar de só
✅Partatjar un repaish a basa de produits locaus
✅Regalà’s de las estelas e d’ua programacion artistica eclectica.
Lo 30 d’aost, au Buron deu Théron-Montorzier a Nasbinals
🍽️Que’s poirà degustar ua truffade-saussissa prepausada per la Hromatgèra deu Cartayrou
🎭 🐄 Que’s se poirà regalar de l’espectacle « Veici Ven » per Céline Mistral e Malika Verlaguet qu’entra teatre, cant, conte, poesia, collectatge e esclats borlescs.
📽️Un abans gost en video : Veici-ven ! – Veici-ven ! – Céline Mistral & Malika Verlaguet [teaser]
📅Programa complet de las Nueits de las Burons :
Les Nuits des Burons 2024 – Parc naturel régional de l’Aubrac
