Un estiu en occitan en julhet
Pendent las vacanças escolaras, l’Ofici que prepausa suus sons hialats « quartièrs d’estiu lingüistics » a la carta.
A cada pòst, un eveniment, gran, mejan, petit…
Eveniments qui’vs haràn viatjar dens los 22 departaments deu perimètre prioritari d’intervencion de l’Ofici.
Eveniments qui hèn víver la lenga occitana per la poesia, lo conte, lo cant, la musica, la randolejada, las arts plasticas, lo cinèma, la creacion de podcast…
Aquera seleccion, subjectiva, umila e afichada com tala, qu’ei estada realizada peus desvolopaires de l’Ofici
- a partir de la cartografia de l’Observatòri partenarial dels actors accessibla aicí
https://www.jemejettealoc.com/loc-pres-de-chez-vous/
- a partir de l’agenda collaborativa CalenDiari
https://openagenda.com/fr/occitan
- a partir de la coneishença deu terren de cadun deus desvolopaires, de lor set mei que vadenta d’evasion(s) estivau(s).
𝑼𝒏 𝒆𝒔𝒕𝒊𝒖 𝒆𝒏 𝒐𝒄𝒄𝒊𝒕𝒂𝒏 #1
a La Guépia, en Tarn e Garona
Apréner la cosina lemosina dab J.M. Caunet de l’IEO Lemosin o apréner la polifonia occitana dab Manu Théron e Damien Toumi deu Duò Lavoà Lapò en plen còr de la Tarn e Garona.
Aquò que’s passa a l’Universitat occitana de La Guépia (Tarn e Garona) qui comença doman, 8 de julhet dinc au 13 de julhet.
Programa complet sus : https://www.lengaviva.com/universite-occitane-2025/?lang=fr
𝑼𝒏 𝒆𝒔𝒕𝒊𝒖 𝒆𝒏 𝒐𝒄𝒄𝒊𝒕𝒂𝒏 #2
a Baiona, dens los Pirenèus Atlantics.
🎉Qué diretz de har l’obertura de las Hèstas de Baiona en occitan?
Despuish 2004, la vila de Baiona en associacion dab Lo Congrès permanent de la lenga occitana que hè aumenatge ad aqueras tres lengas, lo francés, l’euskara e l’occitan en hant retronir sustot los vèrs deu « Prosei », òda a la vila e a las hèstas.
✍Aqueth poèma qu’ei vadut lèu ua sòrta de cant a respóner enter ua personalitat qui declama los vèrs au balcon (Richard Dourthe en 2007, Larqué en 2008, Natasha Sent Pier en 2013, Farid Amziane en 2023…) e los detzenats de milèrs de « festaires » amassats davant la Maison comuna.
🎵 Aquera annada, qu’ei Joan de Nadau qui declamarà « lo prosei » e que cantarà la soa famosa « Encantada ».
Entà véder, escotar e léger lo « prosei » : Lo Prosei – Pôle Lenga & societat du Congrès
Après çò gran moment de comunion, que poiratz passar lo pont Sent Esperit entà ne cantar quauques autes a l’Estanquet gascon de l’Acadèmia Gascona de Baiona.
Entà ne saber mei sus l’Estanquet gascon : Le rendez-vous de tous les Gascons
𝑼𝒏 𝒆𝒔𝒕𝒊𝒖 𝒆𝒏 𝒐𝒄𝒄𝒊𝒕𝒂𝒏 #3
a Montpelhièr, dens Erau.
❄️E si’s prenè lo fresc en profieitant deus darrèrs dias de l’exposicion sus Max Roqueta?
Montpelhièr, Vila, Metropòli e CCAS qu’a en efèit consacrat l’annada 2025 a la figura marcanta de Max Roqueta.
🩺 ✍🎭 🥎 Mètge, poèta, dramaturgue, romancèr… e passionat de bala au tamborin, que calèva plan ua annada entà abordar totas las facietas de l’escrivan e de l’òmi.
Lo 11 de julhet que serà darrèr dia de l’exposicion “Max Roqueta l’encantador”, hrut d’ua associacion enter lo CIRDÒC–Institut occitan de cultura, la Vila e la Metropòli de Montpelhièr.
🏃➡️ Si podetz, corretz-i!
📷 Aquera exposicion qu’ei completada de fotografias de Georges Souche Fotografias, gessidas deu projècte “Secret de l’èrba”.
➡️ Entà ne saber mei sus totas las animacions qui seguiràn e sustot, l’inauguracion de la plaça Max Roqueta lo 20 de seteme vienent
🖱️Hommage au poète occitan Max Rouquette | Montpellier Méditerranée Métropole et ville de Montpellier
𝑼𝒏 𝒆𝒔𝒕𝒊𝒖 𝒆𝒏 𝒐𝒄𝒄𝒊𝒕𝒂𝒏 #4
a Moncuq dens Òut.
🔎 🤔🔎 Que voletz descobrir au còp « las borrèias » e « los rondèus », Auvèrnhe e Gasconha?
➡️ Tornatz-vse a « Dançarem, un viatge dançat! »!
🕺Aqueth « viatge dançat » qu’ei un viatge dens lo còr de Carcin Blanc, e qu’ei prepausat tant aus dançaires aguerrits qu’aus debutants, aus abitants e aus toristas.
Lo hestau que’s debana deu 10 au 12 de julhet mes lo dissabte 12 de julhet que serà un anar-tornar enter Gasconha dab lo Duò Castanet-Hourdebaigt e Auvèrnhe dab lo Duò Breugnot-Roche e deus talhèrs de danças entaus mainatges!
Lo programa complet sus
👉 Dançarem, un viatge dançat ! (Montcuq-en-Quercy-Blanc) | Tourisme Lot
𝑼𝒏 𝒆𝒔𝒕𝒊𝒖 𝒆𝒏 𝒐𝒄𝒄𝒊𝒕𝒂𝒏 #5
a Foish en Arièja.
💃Foish que va valsar deu 17 au 20 de julhet enter conte, teatre, dança, musica d’Occitània e d’alhors.
🕡🕛 Punt culminant de l’encontre deus « bòrds »: lo 19 de julhet
Gasconha qu’arcuelh Flandra a Foix
➡️ Costat gascon : Licotissa, duò femenin pirenenc (votz, acordeon, flabuta, tamborin) qui arpenta los taulats de Gasconha e d’alhors…
➡️ Costat flamenc : Shillelagh, trio masculin lillois (guitarra, violon, acordeon) qui explòra lo repertòri a dançar de la Flandra francesa.
Programa complet sus
👉Fêtes et animations sur Foix et ses alentours, en Ariège – Foix Ariège Pyrénées
𝑼𝒏 𝒆𝒔𝒕𝒊𝒖 𝒆𝒏 𝒐𝒄𝒄𝒊𝒕𝒂𝒏 #6
a Sent Jòri-de-Chalay, en Dordonha.
🥾 Perqué pas s’anar passejar la crotzada deus camins… de travèrsa ?
Lo hestau Capforcha (« Carrefour » en occitan lemosin) pòrta en efèit plan lo son nom e que l’amplifica en nse hant traversar « la mar grana » entà crear un pont enter cultura occitana de Peirigòrd-Lemosin e cultura Xavante de Brasiu.
🌳🌳🌳Camins entà traversar e estar traversats per las lengas, los contes, las danças, las musicas, las hèstas e las practicas deu bòsc, de la caça, de la vannerie deu « Perigòrd verd » (Peirigòrd verd) e de l’Estat de « Mato Grosso » (literaument « la brossa grana »).
➡️ Lo hestau que’s debana 17 au 20 de julhet e que s’acabarà de faiçon mei que pertinenta dab un bal forró dab Baile Magnético e un concèrt de Maud Herrera. La soa votz e lo son alto que’ns haràn viatjar enqüèra e enqüèra, enter represas de collectatge deu Haut-Agenés (au sud de Peirigòrd), « tonadas » de Veneçuèla (au nòrd de Brasiu).
Programa complet sus :
𝑼𝒏 𝒆𝒔𝒕𝒊𝒖 𝒆𝒏 𝒐𝒄𝒄𝒊𝒕𝒂𝒏 #7
a Sent Jòrdi Nigremont, en Cruesa.
🎭 🎵 La comediana e contaira Monique Burg e lo compositor electroacostic François Dumeaux que prepausan lo 25 de julhet suu Parc Naturau de Millevaches en Lemosin un encontre e ua immersion dens l’univèrs de Marcelle Delpastre, poèta e autora màger de la literatura occitana, dont se hesteja lo centenari en 2025.
« Marcelle Delpastre, d’ua lenga a l’aute / d’una lenga l’autra » qu’ei un espectacle de poesia, de paisatges tindaires e de musica qui balha a enténer l’amor de la poetessa lemosina entau monde, las vacas e… la rega manta, deus camins tant corruts, tant aimats, com hons de la mar, lo son interès entau vivent e lo mort, las questions qui pausa aus legidors com lo qui pausa a l’arbo.
Qu’an causit de l’exprimir dens un lengatge ibride, en paraulas e en musica e com l’a hèit : totara en francés, totara en occitan o dens un medish poèma, d’ua lenga a l’aute.
Enveja d’un abans-gost?
➡️ Marcelle Delpastre : D’una lenga l’autra – Monique Burg & François Dumeaux [teaser] – YouTube
𝑼𝒏 𝒆𝒔𝒕𝒊𝒖 𝒆𝒏 𝒐𝒄𝒄𝒊𝒕𝒂𝒏 #9
a Sebasac, en Avairon.
Ua immersion dens la lenga e la cultura occitanas, qu’ei çò qui prepausa l’Estivada deu 24 au 26 de julhet.
Ua immersion dens la musica, la dança, las arts graficas, la literatura, l’artisanat, lo conte, lo cinema, la gastronomia de tots los territòris d’òc.
Au miei d’aqueth banh gran,L’Ofici public de la lenga occitana OPLO, lo CIRDÒC–Institut occitan de cultura e lo Lo Congrès permanent de la lenga occitana que’vs balha sustot rendètz-vos
➡️ suu lor espaci comun « Prèst entà l’ÒC? Près de vòste! » dab ua panoplia de jòc a har en lenga e en familha
➡️ lo 25 de julhet a 9h30 entà ua taula redona « Actors occitans e collectivitats publicas : associacions en question »
dab Jan-Mari Caunet de l’IEO Lemosin, Bernard Giacomo de l’Ostal Deltelh e Marion Llorach deu País de Bearn
➡️ lo 26 de julhet a 9h30 entà ua taula redona « Comunautat occitana e territòris numerics : çò qu’ei hèit e çò qui ei a har »
dab Lionel Buannic de LBGroupe, Danís Chadeuil e Aure Séguier deu Congrès permanent de la lenga occitana
Programa complet sus : https://estivada.eu/
𝑼𝒏 𝒆𝒔𝒕𝒊𝒖 𝒆𝒏 𝒐𝒄𝒄𝒊𝒕𝒂𝒏 #10
a La Roumieu, dens Gèrs.
📅Dissabte 26 de julhet.
🕘9h00.
⛪Plaça de la Roumieu.
🎒Préner lo son sac d’esquia.
🚶➡️ Barrutlar dens e a l’entorn deu vilatge.
🗣️ Au son de las votz de Daniel Loddo e de Céline Richard.
🤔 Se pèrder dens e a l’entorn deu vilatge.
🎶Au son deus contes, enter legenda e mite,
🎶Au son de las duas lengas, enter occitan e francés,
🎶Au son deus instruments, enter pifres, « craba » e graile ».
⛪Se retrobar au cap d’ua òra e mieja sus la plaça de la Roumieu.
💃Esperar lo bal deu ser de la Talvèra entà recomençar.
Shens lo sac.
➡️Programa complet deu hestau « Musica en camin » :
