Cossí se trasmet l’occitan per l’escòla ?

L'ensenhament de l'occitan dels pichons enlà​

Apréner l’occitan a l’escòla, al collègi o al licèu, es tornar descobrir mon territòri, son istòria, sos noms de luòcs, son accent e sos còdis. Es un novèl biais d’encontrar de mond, de partejar la meteissa cultura, de saber-far, lo biais de viure.

L’occitan me permet de me noirir de valors qu’an bastit mon environament. Me permet aital de despertar ma curiositat, l’alteritat e la diversitat dels mòdes d’expression.

Conéisser l’occitan facilita l’aprendissatge de novèlas lengas. Aquò me permet de comunicar amb lo mond latin, d’Itàlia fins a l’America del Sud, en portant de valors universalas e actualas, apevadas sus la solidaritat e la tolerància. Me permet aital de melhor compréner los escambis culturals amb lo mond entièr e mai estreitament amb lo mond latin. Me balha una cultura de partejar amb tot lo mond entièr.

L’occitan, es plan mai qu’una lenga, es una obertura d’esperit sus la diversitat e la riquesa d’aquel mond.

L'ensenhament : un levador indispensable per l’espandiment de la lenga

De l’escòla mairala, en passant pel segondari, e fins a l’universitat ; pels enfants o pels adultes, las modalitats d’ensenhament e de transmission de l’occitan son multiplas.

Una lenga que viu es d’en primièr una lenga que se transmet !  Es pr’amor d’aquò que l’OPLO  s’implica amb fòrça dins la valorizacion e la transmission de la lenga e de la cultura occitanas, pel biais de l’ensenhament.

Carta de l'ensenhament de l'occitan

Descobrètz los dispositius de l'Ofici :

Ofici public de la lengua occitana

22 bd maréchal Juin
31406 Tolosa cedex 9

Tel 05 31 61 80 50

contact@nullofici-occitan.eu

Scroll to Top