Assistent/a gestionnàri/a
Apèl a candidaturas
Assistent/a gestionnàri/a per l’Ofici public de la lenga occitana
Pòste de categoria C
L’Ofici Public de la Lenga Occitana es un Gropament d’Interès Public compausat de las Regions Novèla Aquitània et Occitània e mai de l’Estat (ministèri de la Cultura e de la comunicacion e ministèri de l’Educacion nacionala, de l’ensenhament superior e de la recèrca). Sa mission es dobla : s’agís a l’encòp de definir e de metre en òbra la politica lingüistica publica en favor de la lenga occitana sus los dos territòris concernits. Aquesta politica pòrta notadament sus la transmission e l’usatge de l’occitan alprèp de jovas generacions. L’Ofici Public de la Lenga Occitana, que lo sèti es basat a Tolosa, dispausa dempuèi lo 3 de setembre de 2018 d’una antena en Novèla-Aquitània (Bordèu).
Recruta un/a assistent/a gestionnàri/.
Encastre de l’emplec :
Pòste dobèrt als agents titularis de la foncion publica (categoria C : grade d’adjunt administratiu) : en conformitat amb lo decret n°2013-292 del 5 d’abril de 2013 relatiu al regim de drech public aplicable als personals dels Gropaments d’Interès Public. Nivèl de remuneracion sus la basa de las grasilhas indiciàrias del grade d’adjunt administratiu mai regime indemnitari.
Missions principalas :
Administrativa :
- Gestion de las tascas quotidianas : acuèlh telefonic, gestion dels corrièrs, coordinacion dels agendàs, reunions, compte-rendut ;
- Gestion de las ressorças umanas . seguit de las vacanças e de las abséncias, mesa a jorn dels dossièrs dels emplegats, gestion dels fraisses de mission, titres restaurants, etc. ;
- Seguit de las proceduras ;
- Seguit dels mercats e de las relacions amb los prestataris ;
- Organización materiala de las reunions, dels desplaçaments etc. ;
- Ajuda a la gestion dels dossièrs operators (acusats de recepción, mesa en pagament dels dossièrs de subvencions…) ;
Gestion institucionala :
- Organizacion de las assembladas, elaboracion dels rapòrts, redaccion dels PV de las sasilhas, etc…;
Gestion financièra :
- Gestion comptabilitat generala : escritura comptabla ;
- Seguit budgetari : rapòrt trimestrial ;
- Relacion amb l’ordonator e l’agent comptable.
Relacions ierarquicas e foncionalas :
L’agent es plaçat jos l’autoritat del Director del Gropament e aurà de relacions foncionalas amb las administracions de l’Estat e de las Regions concernidas tal coma amb los autres partenaris.
Perfil, competéncias :
De formacion superiora (bac +2/3), mai particularament dins la comptabilitat o la gestión financiera, completada de realas qualitats d’organización, de gestion, de rigor e redaccionala. Vòstras qualitats relacionalas e una plan bona mestria dels otils bureutics son indispensables a aquel pòste.
La competencia en lenga occitana es pas obligatòria per postular al pòste. Ça que la, lo candidat s’engatja a acquesir un nivèl B2 del CECRL occitan*, atal coma una bona coneissença de sa cultura. Vòstras competéncias lingüisticas seràn tanben apreciadas, notadament en catalan, espanhòl o italian.
* formacion presa en carga
Depaus de las candidaturas :
Lo depaus de las candidaturas es dobèrt fins al 21 de mai de 2020, per corrièr postal amb acusat de recepcion a l’adreça seguenta : Dòna Presidenta – Ofici Public de la Lenga Occitana – 22 baloard del Marechal Juin – 31406 Tolosa Cedex 9 e per corrièr electronic a l’adreça que seguís : contact@ofici-occitan.eu
Lo dossièr compren :
- Un curriculum vitae ;
- Una letra de motivacion en francés o bilingüa francés-occitan.
Ofici public de la lengua occitana
22, bd maréchal juin
31406 Tolosa cedex 9
Tel 05 82 60 02 80
