Lo licèu : prioritat de l’OPLO per l’annada 2021/2022

Dempuèi 2018, una baissa significativa dels efectius d’escolans qu’aprenon l’occitan al licèu es constatada dins totas las acadèmias (de -15% a -44%) de Novèla Aquitània e d’Occitània. De cap a n’aquela situacion fòrça preocupanta, l’OPLO a decidit de reagir tot en lançar un « Plan d’accion licèu » per l’annada venenta. Ara, lo licèu es doncas la prioritat principala de l’accion de l’Ofici per l’annada 2021/2022.

Concretament, diferentas accions seràn menadas, en ligam amb lo ministèri de l’Educacion nacionala amb lo supòrt de las doas Regions Novèla Aquitània e Occitània, a l’entorn de tres objectius :

  • Objectiu 1 : aisinar los escolans que seguisson ja un ensenhament en occitan o las equipas ensenhantas que las acompanhan ;
  • Objectiu 2 : sensibilizar los liceans e collegians que seguisson pas encara un ensenhament en occitan als beneficis de son aprenentatge ;
  • Objectiu 3 : valorizar las iniciativas e « bonas practicas » identificadas dins cèrts licèus.

Un budgèt de mai de 200 000 € es estat atribuit a la començada d’aquel plan d’accion.

 

Ofici public de la lengua occitana

22 bd maréchal Juin
31406 Tolosa cedex 9

Tel 05 31 61 80 50

contact@nullofici-occitan.eu

Scroll to Top