L’occitan, de l’escola a l’universitat

A l’escòla : de l’iniciacion a la classa bilingua

Tre l’escòla primària, mantuna modalitat d’ensenhament es prepausada :

• L’ensenhament bilingüe dit immersiu que prevei un ensenhament de las diferentas disciplinas mai que mai en occitan. Aquel ensenhament es uèi dispensat dins la ret de las escòlas associativas Calandreta e tanben a títol experimental dins las escòlas bilinguas publicas.
• L’ensenhament bilingüe dit a paritat orària. Es uèi lo mòde d’ensenhament mai espandit. Es dispensat dins las escòlas bilinguas publicas.
• L’ensenhament renfortit. S’agís d’un modul de tres oras per setmana. Aquela modalitat es reservada a las pichòtas escòlas ont i es pas possible d’installar un ensenhament bilingüe. Es particularament desvolopat dins los despartaments dels Pirenèus-Atlantics e tanben de Dordonha.
• L’ensenhament sota una forma d’iniciacion. Dispensat pendent una durada de 45 minutas per setmana, per un ensenhaire o un intervenent exterior, particularament desvolopat dins los departaments d’Avairon, de Nauts-Pirenèus, de Tarn-e-Garona aital coma dins Gèrs e Garona-Nauta.

Al collègi : iniciacion, lenga viva, seccion lenga regionala o immersiva

Al collègi, los escolans an accès a mantuna formula, notadament en foncion de l’ensenhament qu’an seguit fins aquí.

• L’ensenhament bilingüe dit immersiu ; l’ensemble de las matièras en defòra de las autras lengas son ensenhadas en occitan. Aquel ensenhament es dispensat dins los quatre collègis Calandreta de Pau, Tolosa, Besièrs-Maraussan e Montpelhièr.
• La seccion lenga occitana, combina l’ensenhament de doas oras per setmana d’occitan e al mens 3 oras suplementàrias d’una o mantuna disciplina non lingüistica (per exemple l’istòria-geografia). Aquel ensenhament es dispensat dins los collègis publics en seguida de las escòlas bilinguas.
• L’ensenhament de la lenga viva occitana. Permet l’ensenhament de l’occitan a rason de al mens doas oras per setmana. Permet als escolans de començar l’occitan al collègi. Un ensenhament d’iniciacion pòt tanben èsser prepausat en classa de seisena (al maximum doas oras, s’adreça alara a tota la classa).

Telecargar lo desplegant

Al licèu : una lenga de mai o en immersion

Al licèu, los escolans an la causida de perseguir l’occitan d’un biais immersiu, en seccion lenga occitana, en ensenhament d’especialitat o de lo causir coma una segonda o tresena lenga.

• L’ensenhament bilingüe dit immersiu. Totas las matièras son ensenhadas mai que mai en occitan. Aqueste ensenhament es dispensat al licèu associatiu Calandreta de Montpelhièr.
• L’ensenhament en seccion lenga occitana ; L’occitan es ensenhat en doas oras per setmana, amb un complement en occitan d’una autra disciplina (per exemple l’istòria-geografia), coma al licèu Las Casas de Lavaur (81)
• L’ensenhament d’especialitat : l’occitan es ensenhat a rason de 4h en primièra e 6h en terminela (coeficient 17/100)
• L’ensenhament de la lenga viva. Permet als liceans de causir l’occitan coma una segonda o tresena lenga, en doas oras d’ensenhament minimum per setmana.
  

Telecargar lo desplegant

Dins l’ensenhament superior : formacions lingüisticas o culturalas e preparacion als mestièrs de l’ensenhament

PAGINA EN CONSTRUCCION